Almaty qalasy aýmaqtyq kásipodaqtar birlestigi jańa shaqyrylǵan Parlament Májilisi men barlyq deńgeıdegi máslıhattar depýtattaryn saılaýǵa baqylaýshy retinde qatysatynyn málimdedi.

Ózderińiz biletindeı, saılaý Qazaqstan Respýblıkasynyń Prezıdenti Qasym-Jomart Toqaevtyń Jarlyǵymen 2021 jyldyń 10 qańtaryna taǵaıyndalǵan bolatyn.

Bul sheshim eńbek adamynyń quqyqtary men zańdy múddelerin qorǵaıtyn,Qazaqstan Respýblıkasyndaǵy eń iri qoǵamdyq birlestik mańyzdy ishki saıası prosesterden tys qala almaıtyndyǵymen túsindiriledi.

Almaty qalasy aýmaqtyq kásipodaqtar birlestigi eldiń saılaý zańnamasynyń barlyq normalarynyń saqtalýyn qadaǵalap, saılaý kúni saılaý prosesteriniń ashyqtyǵyn qadaǵalamaq.
Quramyna megapolıstiń 715 bastaýysh kásipodaq uıymdary kiretin uıym, azamattardyń tańdaý erkindigi jumys berýshiler nemese atqarýshy organdar ókilderiniń qandaı-da bir qysymymen buzylmaýy kerek dep sanaıdy.

- Birlik, ádilettilik, damý - bul Almaty qalasy aýmaqtyq kásipodaqtar birlestigi qyzmetiniń negizgi qaǵıdattary. Biz jumysshylardyń máselelerin sheshýge qatysý jáne olardyń tańdaý erkindigine konstıtýsıalyq quqyǵyn júzege asyrýda qoldaý kórsetý eń mańyzdy jalpy adamzattyq qundylyqtar dep sanaımyz. Bizdiń áleýmettik seriktesterimizben yntymaqtastyqqa negizdelgen birlesken jumys qana qoǵamnyń negizgi demokratıalyq qundylyqtaryn saqtaýda aıtarlyqtaı tabystarǵa jetýge múmkindik beredi dep senemiz, - delingen Almaty qalasy kásipodaqtarynyń aýmaqtyq birlestiginiń úndeýinde.