Elbasy Nursultan Nazarbaev "Qazaq" degen ultty álemge tanytyp, Qazaqstan degen eldi dúnıe tórine ozdyrǵan. Bul týraly Aqparat jáne qoǵamdyq damý mınıstri Aıda Balaeva "QR Tuńǵysh prezıdenti: jasampazdyq pen údemeli damýdyń 30 jyly" atty halyqaralyq jıynynda aıtty.

– Alda kele jatqan tuńǵysh prezıdent kúni merekesimen quttyqtaımyn. Bul meıram – jáı mereke emes. Eń aldymen, eldigimiz ben memlekettigimizdiń sımvoly, 30 jyldyq turaqtylyq pen beıbitshiliktiń biregeı kepiline aınalǵan aıshyqty kúni. Óıkeni táýelsizdigimizdiń negizin qalap, egemendigimizdi bekitken elmizdiń tuńǵysh prezıdenti – Elbasy Nursultan Ábishulynyń tarıhı tulǵasy men saıası qaıratkerligi qashan da zor qurmetke ıe, – dedi mınıstr.

Ol óz sózinde Nazarbaev "Qazaq" degen ultty álemge tanytqanyn atap aıtty.

– Bul mereke Elbasyna degen halyqtyń joǵary iltıpatyn, eldiń ystyq yqylasynyń kórinisi dep bilemin. Rasynda da qazaq degen ultty álemge tanytyp, Qazaqstan degen eldi dúnıe tórine ozdyrǵan Elbasynyń osy parasatty eńbegi, salıqaly saıasaty. Sodan bolar, bul mereke bir tulǵa emes, tutas ulttyń, táýelsiz jurttyń ortaq qýanyshy dep nyq senimmen aıta alamyz, – dedi Balaeva.