Qazaqstannyń densaýlyq saqtaý mınıstri Alekseı Soı elde jeltoqsan-qańtar aılarynda qatań karantın engizilýi jaǵdaıǵa baılanysty ekenin aıtty.

– Apta saıyn málimetterdi zerttep, aldaǵy kezeńderge de boljam jasap jatyrmyz. Qazir kórip otyrǵanymyzdaı, Qazaqstanda karantın sharalaryn jeltoqsan nemese qańtar aılarynda engizý máselesi jaǵdaıdy qanshalyqty baqylaýda ustaı alatynymyzǵa baılanysty bolady, – deıdi ol.

Mınıstr qazir koronavırýs órshigen keıbir óńirde juqtyrý deńgeıi tómendep kele jatqanyn atap ótti.

– Shyǵys Qazaqstanda máselen jaǵdaı rettelip, juqtyrý deńgeıiniń tómendeý tendensıasyn baqylaýdamyz. Eń bastysy – jaǵdaıdy baqylaýda ustaý. Qazir ınfeksıalyq aýrýhanalar 22 paıyzǵa, jansaqtaý tósekteri 17 paıyzǵa júktelgen. Iaǵnı, rezerv bar. Sondyqtan qazir ýaıymdaýdyń qajeti joq. Bári baqylaýda, – dep aıtty Alekseı Soı.