Qytaıdyń memlekettik Twitter akkaýntynda Aýstralıa soldaty aýǵan balasyn óltirip jatqan foto jarıalandy. Aýstralıa Qytaıdan jalǵan fotony jarıalaǵan úshin keshirim suraýdy talap etti.

Aýstralıanyń premer-mınıstri Skott Morrıson telearnaǵa bergen suhbatynda Beıjiń jalǵan aqparat taratqany úshin uıalý kerek ekenin aıtty.   

Skott Morrıson

Qarashanyń basynda 2009 ben 2013 jyldar aralyǵynda 25 aýstralıalyq soldat 39 aýǵan azamatyn óltirgeni anyqtalǵan. Bul aqparat halyq arasynda taralyp, halyqtyń ashýyn keltirdi. Qazir istiń mán-jaıyn polısıa tekserip jatyr.  

Dúısenbide Qytaıdyń syrtqy ister mınıstrliginiń baspasóz hatshysy Lıjıan Zao jasandy fotony jarıalady. Onda Aýstralıa soldaty qanǵa boıalǵan pyshaqpen balany ustap tur. Bala laqty qushaqtap tur.

Aýstralıanyń radıo korporasıasy aýstralıalyq áskerıler eki aýǵan jasóspirimdi pyshaqpen óltirgeni týraly aqparat tek boljamǵa negizdelgen dáleldenbegen aqparat ekenin jetkizdi.

Qytaı taratqan fotonyń astyna "Aýstralıa sarbazynyń aýǵan azamatyn óltirip jatqanyn kórip jaǵamyzdy ustadyq. Olardyń bul áreketin áshkerelep, jaýapqa tartýymyz qajet" dep jazylǵan.

Aýstralıa premer-mınıstri Morrıson Qytaıdyń áleýmettik jelide jarıalaǵan  jazbasyn "jıirkenishti, namysqa tıetin jáne ersi"  ekenin aıtyp, Twitter-den jazbany óshirýdi talap etti.