Qytaı basshysy áskerlerdi shıelenis órship turǵan kezde soǵysqa daıyndalýǵa shaqyrady. Sı Szınpın Qytaı halyqtyq-azattyq armıasynyń generaldaryna olardyń qolbasshylyǵyndaǵy eki mıllıon jasaqtyń jeke quramy naqty urys jaǵdaıyna daıyndyqtan ótýi kerektigin aıtty.

Ol Beıjińdegi Qytaıdyń ortalyq áskerı komısıasyna barǵan kezde olarǵa "qıyndyqtan qoryqpańdar", "ólimnen qoryqpańdar" jáne "soǵysqa daıyn bolyńdar" dep buıyrdy.

Buǵan deıin Vashıngton áskerı kúshteriniń eliktemeli qurlyqaralyq balıstıkalyq zymyrandy atyp túsirip, Beıjińge naqty eskertý jasaǵany habarlanǵan.

Deılı Meıl basylymynyń aqparatyna sáıkes, Ol armıany "qıyndyqqa tózýge, mısıanyń jaýapkershiligin kúsheıtýge, áskerı daıyndyqtyń ózgerýi men jańarýyn tezdetýge" shaqyrdy.

Qaterli úndeý Beıjińniń AQSH, Taıvan, Ońtústik Qytaı teńizindegi qarsylastarymen jáne Gımalaıdaǵy daýly shekaradaǵy shıelenisi kúsheıgen kezde aıtyldy.

Beıjińdik áskerı sarapshy Chjoý Chenmıngtiń sózine qaraǵanda, qytaı basshysynyń sózi áskerı kúshterdi tanktermen, avıasıamen jáne áskerı kemelermen birge joǵary tehnologıalyq qarý-jaraq pen jabdyqtarmen tanystyrý úshin aıtylǵan.