Qazaqstan Respýblıkasynyń tuńǵysh prezıdenti kúnine oraı Nursultan Nazarbaev qory jáne álemdik ekonomıka jáne saıasat ınstıtýty birlese otyryp halyqaralyq qaýipsizdik jáne jahandyq ıadrolyq dıalogty qaıta bastaý máseleleri boıynsha halyqaralyq onlaın konferensıasyn ótkizdi. Konferensıasynyń negizgi spıkeri Nazarbaev da vıdeoúndeý jasady is-sharaǵa qatysýshylarǵa beıneúndeý jasady.

– Qazaqstan prezıdenti bola otyryp, sanaly túrde men ózimniń syrtqy saıası qyzmetimniń edáýir bóligin ıadrolyq qarýdan azat álemge qol jetkizý ıdeıasyna arnadym,- dep bastady sózin Nazarbaev.

Budan ári Elbasy Qazaqstannyń osy baǵyttaǵy úlesin, atap aıtqanda "táýelsizdikke qol jetkize otyryp, Qazaqstan ǵalamshardaǵy qýaty boıynsha tórtinshi ıadrolyq qarý arsenalynan óz erkimen bas tartqanyna" toqtaldy. 

– Sizder men sıaqty jappaı qyryp-joıatyn qarýsyz álemge umtylý ıdeıasyn sózsiz qoldaıtyn tanymal saıasatkerler men bedeldi sarapshylarsyz. Árıne, bul jol ońaı bolmaıdy jáne munda aıtarlyqtaı kedergiler bar.

Teodor Rýzvelt aıtqandaı: "

Siz qolyńyzdan keletinine senseńiz, maqsatqa jetelegen joldyń jartysyna jettińiz". Osyǵan oraı, ıadrolyq qaýipsizdik pen ıadrolyq qarýdan azat álem úshin Jahandyq kóshbasshylar alánsyn qurý týraly meniń bastamamdy qoldaǵandaryńyz úshin sizderge rızashylyǵymdy bildiremin.

Búgin biz qabyldaǵan ashyq úndeý - bul baǵyttaǵy alǵashqy praktıkalyq qadam bolyp tabylady,- dedi ol sóz sońynda.