1 jeltoqsan kúni tańerteń Almaty qalasy Nazarbaev dańǵyly boıynda áldekimder "Adam atyna – 47,3 mlrd teńge", #cancelelbasy jáne #qazaqkoktemi heshtegi jazylǵan banner ilip qoıǵan. Bul týraly instagram áleýmettik jelisinde rukh2k19 paraqshasy habarlady.
#Cancelelbasy heshtegin aǵylshyn tilinen qazaqshaǵa aýdarǵanda, "Elbasynyń kúshi joıylsyn" degen maǵynany bildiredi.
Dańǵyl boıynda ilingen banner avtorlarynyń kim ekeni belgisiz. Alaıda olar rukh2k19 paraqshasyna jasyryn túrde jazba joldaǵan.
"Biz 2019 jylǵy 23 naýryzda Qazaqstan úkimeti halyqtyń pikirimen sanaspaı, el astanasy men ortalyq kósheleriniń ataýyn qalaı ózgertkenin umytpadyq. Túrli derekter boıynsha, 47,3 mlrd teńgeden astam qarajat Nazarbaevtyń esimin máńgi este qaldyrýǵa jumsaldy. Búgin ol jáne onyń shákirtteri bul kúndi mereke retinde atap ótip jatyr. Al ony moıyndamaıtyn azamattar Nazarbaevtyń jeke basyna tabynýdy qalaı toqtatý keregin oılaýda" dep jazǵan banner avtorlary.
Belgisiz avtorlar árbir qazaqstandyqtyń memleket isterin basqarýǵa qatysý múmkindigi bolýy kerek dep sanaıdy.
"Qazaqstan Respýblıkasynyń konstıtýsıasynda "bıliktiń birden-bir bastaýy halyq bolyp tabylady" delingen. Biz árbir qazaqstandyqtyń memleket isterin basqarýǵa qatysý múmkindigi bolýǵa tıis dep sanaımyz. Bizdiń tańdaýymyz ben sóz bostandyǵymyz saqtalýy kerek.
Sondaı-aq biz ortaq úıimizde zań aldynda bári birdeı ekenin málimdeımiz. Sondyqtan "Ult Kóshbasshysy týraly" zańnyń kúshi joıylýǵa tıis" dep jazady belgisiz avtorlar.
Eske salsaq, 2017 jyldyń 30 qarasha kúni Almatyda Fýrmanov kóshesine Nazarbaev aty berildi.
Posmotret etý pýblıkasıý v Instagram
Pikir qaldyrý