30 qarasha kúni Aýstralıa Qytaıdan jalǵan fotony jarıalaǵan úshin keshirim suraýyn talap etken bolatyn. Biraq Qytaı keshirim suraýdan bas tartyp, Aýstralıa Aýǵanstandaǵy aýstralıalyq sarbazdardyń áskerı qylmystaryn jasyrý úshin "kópshiliktiń nazaryn aýdarýǵa" tyrysyp jatyr dep aıyptady, dep habarlady BBC.

"Taǵylǵan aıyptar tek eki maqsatqa qyzmet etedi. Olardyń biri – keıbir aýstralıalyq sarbazdardyń qorqynyshty qatygezdikterinen qoǵamnyń nazaryn aýdarý. Ekinshisi – Qytaıdy ekijaqty qatynastardyń nasharlaýyna kinálaý. İshki ultshyldyqty jandandyrýǵa taǵy bir áreket jasalýy múmkin" delingen  Qytaı taratqan habarlamada.

Buǵan deıin Aýstralıanyń premer-mınıstri Skott Morrıson telearnaǵa bergen suhbatynda Beıjiń jalǵan aqparat taratqany úshin uıalýy kerek ekenin aıtqan.