Almaty qalasynyń ákimi Baqytjan Saǵyntaev qalanyń Kásipkerler palatasy Óńirlik keńesiniń onlaın-otyrysyna qatysty. Otyrys barysynda shaǵyn jáne orta bıznesti damytýdyń ózekti máseleleri kóterildi.

Otyrysta karantındik shekteýler rejımindegi SHOB qyzmetine qatysty problemalyq máseleler kóterilip, damýdyń perspektıvalyq baǵyttary, sondaı-aq bılik organdarymen ózara is-qımyl qarastyryldy.

Kezdesý barysynda Almaty qalasynyń Óńirlik keńesiniń tóraǵasy, «Ýchet» kompanıalar tobynyń jetekshisi M. Baryshev kásiporyndardyń qyzmetin qalpyna keltirý perspektıvalary týraly aıtty. Sonymen qatar, kezdesýge qatysýshylar monıtorıńtik toptardyń qyzmeti, shyǵarmashylyq ındýstrıa men mektepke deıingi bilim berýdi damytý, pandemıa kezindegi týrızm, avtobýs parkteriniń jumysy jáne basqalaryn talqylady.

Megapolıs ákimi B. Saǵyntaev barlyq kóterilgen máselelerdiń qarastyrylatynyna sendirdi. Onyń aıtýynsha, keler jylǵa jospar quryp, olardy naqty jáne progresıvti sheshý úshin ondaǵy maqsattar men mindetterdi belgileý qajet.

Otyrysqa qalanyń Bas memlekettik sanıtarlyq dárigeri J. Bekshın, ákimdik basqarmalarynyń basshylary, Óńirlik keńes músheleri, kásipkerler jáne Almaty qalasy Kásipkerler palatasynyń basshylyǵy qatysty.