Bilim jáne ǵylym mınıstrliginiń aparattyq otyrysynda mınıstr Asqat Aımaǵambetov pedagogtardy daıyndaý máselesiniń áli de ózekti ekenin aıtty.

– Pedagogtardy daıyndaý problemasy ózekti ekenin ózderińiz jaqsy bilesizder. Shyny kerek, áli de kóńilimiz tolmaıdy. Mektepter ýnıversıtetterge qaraǵanda, baǵdarlamalaryn ózgertti. Ýnıversıtetter soǵan úlgermeı otyr dep mektepter men bilim basqarmalary ózderi aıtyp otyr. Onymen kelisýge de, kelispeýge de bolady. Biraq problemalyq suraqtar bar ekeni anyq. Ony retteýdi ýnıversıtetter ózderi qolǵa alýǵa tıis. Mınıstrlikke qana qarap otyrmaýy kerek. Bul jerde oqý-ádistemelik birlestikterdiń róli úlken, – dedi mınıstr.

Mınıstr baǵdarlamalardy ózgertýge bolatynyn aıta kelip, mektepke kerek mamandardy daıarlaý ózekti másele ekenin jetkizdi.

– Oqý-ádistemelik birlestiktiń eń basty maqsaty – barlyq mamandar boıynsha daıyndap otyrǵan joǵary oqý oryndarynyń jumysyn úılestirý. Kásiptik standartty daıyndaý kerek. Jalpy bilim baǵdarlamalaryn jańartý kerek. Júıeli túrde osy ózgeristerdi engizý kerek, – dedi Aımaǵambetov.