Prezıdent bastamalary memlekettik basqarý júıesine jańa tulǵalardy usyný platformasyna aınaldy. Mundaı pikirdi QR Prezıdentiniń keńesshisi Erlan Qarın aıtty, dep habarlaıdy QazAqparat tilshisi.

«Prezıdent bastamalary - Ulttyq qoǵamdyq senim keńesi pen Prezıdentti jastar kadrlyq rezervi memlekettik basqarý júıesine jańa tulǵalardy ilgeriletý platformasyna aınaldy. Aıtalyq, qazirgi ýaqytta Ulttyq keńestiń 12 múshesi QR Parlamenti Májilisi depýtattyǵyna kandıdattardyń partıalyq tizimi quramyna kirdi: «Aýyl» partıasynan - Tóleýtaı Rahymbetov pen Qýat Dáýren, «Aq jol» Qazaqstannyń demokratıalyq partıasynan - Danıa Espaeva men Isa Qazybek, Qazaqstannyń halyq partıasynan - Jambyl Ahmetbekov. Ulttyq keńestiń birqatar óńili «Nur Otan» partıasynyń partıalyq tizimin tolyqtyrdy: Saıasat Nurbek, Qanat Nurov, Baqytbek Smaǵul, Berik Ábdiǵalıuly, Erlan Saırov, Aıdos Sarym jáne Bekbolat Tileýhan», - dep jazdy ol Telegram paraqshasynda .

Sonymen qatar, ol buǵan deıin Ulttyq keńestiń birqatar múshesi memlekettik organnyń joǵary satylaryna taǵaıyndalǵanyn atap ótedi. Olardyń qatarynda QRSıfrlyq damý, ınovasıa jáne aeroǵarysh ónerkásibi mınıstri Baǵdat Mýsın, Shymkent qalasy ákiminiń birinshi orynbasary Shyńǵys Muqan, Qaraǵandy oblysy Ulytaý aýdanynyń ákimi Berik Ábdiǵalıuly, Aqparat jáne qoǵamdyq damý mınıstriniń keńesshisi Maksım Rojın, Eńbek jáne halyqty áleýmettik qorǵaý mınıstriniń shtattan tys keńesshisi Emın Áskerov bar.

«Óz kezeginde Prezıdenttik jastar kadrlyq rezervi de is júzinde jastar men bilikti kadrlardy ilgeriletý úshin áleýmettik lıfti retinde tıimdiligin kórsetip otyr. «Nur Otan« partıasynan partıalyq tizimi boıynsha kandıdattar qataryna rezervshiler - Rasýl Medetov, Tilektes Adambaev jáne Zúlfıa Súleımenova kirdi. Tolyqtaı alǵanda 300 rezervshiniń 166-sy qazirgi ýaqytta memlekettik organdardyń jáne kvazmemlekettik kásiporyndardyń túrli pozısıalaryna jumysqa ornalasty», - dedi E.Qarın.