Prezıdent Qasym-Jomart Toqaev májilis pen máslıhatta ótetin aldaǵy saılaý ádil ári ashyq ótetinin aıtty. Bul týraly ol onlaın rejımde ótip jatqan ujymdyq qaýipsizdik týraly shart uıymynyń (UQSHU) samıtinde málimdedi.

– Qazaqstanda kezekti elektoraldy proses bastaldy. 2021 jyldyń 10 qańtaryna Parlamenttiń tómengi palatasy men jergilikti organdardyń depýtattaryn saılaý belgilendi. Saılaý konstıtýsıalyq merzimde bolady, – dep aıtty ol.

Memleket basshysy óz sózinde partıalardyń bárine daıarlanýǵa jetkilikti ýaqyt berilgenin atap ótti.

– Bıyl biz teńdessiz demokratıalyq reformalar paketin qabyldadyq. Olar kóppartıalylyqty jáne partıalyq básekelestikti damytýǵa, azamattyq belsendilikti arttyrýǵa baǵyttalǵan. Atap aıtqanda zańnamalyq deńgeıde parlamenttik opozısıa ınstıtýty bekitilip, partıalyq tizimge jastar men áıelderdiń úlesi úshin 30 paıyzdyq kvota bólindi. Biz ashyq ári ádiletti saılaý ótkizýge nıettimiz. Áriptesterimizdiń qoldaýyna úmittenemiz, – dedi Toqaev.