Bilim jáne ǵylym mınıstrliginde qazaqstandyq muǵalimderdiń ortasha eseppen qansha jalaqy alatynyn aıtty, dep habarlady Tengrinews.kz.

Vedomstvoda habarlaǵandaı, Qazaqstannyń strategıalyq josparlaý jáne reformalar jónindegi agenttiginiń ulttyq statısıka búrosynyń derekterine sáıkes, bilim berý salasyndaǵy qyzmetkerlerdiń ortasha aılyq jalaqysy 2020 jyldyń II toqsanynda 184,4 myń teńgeni quraıdy. 2019 jyly bul soma 126,1 myń teńge bolǵan.

Sondaı-aq mınıstrlik muǵalimderdiń jalaqysy nege baılanysty ekenin aıtty.

Bilim berý uıymdary qyzmetkerleriniń eńbegine aqy tóleý tómendegi satylar boıynsha anyqtalady:

♦ bilim deńgeıi,
♦ biliktiliktiń bolýy,
♦ jumys ótili,
♦ eńbek jaǵdaılary,
♦ oryndalatyn jumys kólemi,
♦ótemaqy jáne yntalandyrý sıpatyndaǵy ústemeaqylar men qosymsha aqynyń bolýy (ǵylymı-pedagogıkalyq baǵyt boıynsha magıstr dárejesi úshin, synyp jetekshiligi úshin, dápterler men jazba jumystaryn teksergeni úshin jáne t.b. qosymsha aqy).

Sonymen qatar, vedomstvoda memlekettik bilim berý uıymdary pedagogteriniń jalaqysy uıymnyń birinshi basshysy bóletin jáne aptasyna normatıvtik júktemeni eskere otyryp aıqyndalatyn oqý júktemesi negizinde esepteletini atap ótildi.