Bıleýshi partıanyń kezekten tys XX Sezi barysynda qabyldanǵan «Nur Otan»-nyń Jarǵysyndaǵy ózgeristerdi Ádilet mınıstrligi tirkedi.

Elbasy, partıa Lıderi Nursultan Nazarbaevtyń tapsyrmasyna sáıkes Jarǵylyq qujatqa partıanyń partıaishilik saılaý – praımerız ótkizý týraly norma engizildi.

«Sıez qaýlysymen partıa Jarǵysynyń 2.4-tarmaǵy endi mynadaı mazmundaǵy tarmaqshamen tolyqtyryldy:

praımerızdi – Qazaqstan Respýblıkasy Parlamenti Májilisiniń, barlyq deńgeıdegi máslıhattardyń depýtattyǵyna kandıdat etip usynýǵa úmitkerlerdi aldyn-ala partıaishilik irikteýdi ótkizý», - delingen habarlamada.
Partıa baspasóz qyzmetiniń málimetinshe, Sıeziń qaýlysymen 2013 jyly qabyldanǵan Saıası doktrına «Nur Otan» partıasynyń Saıası tuǵyrnamasyna ózgertildi.

Partıanyń baspasóz qyzmeti habarlaǵandaı, partıa jumysyn «qaıta jandandyrýdy» eskere otyryp, Sıeziń qaýlysymen 2013 jyly qabyldanǵan Saıası doktrına «Nur Otan» partıasynyń Saıası tuǵyrnamasy bolyp ózgertildi.

Esterińizge sala keteıik, «Nur Otan» partıasynyń kezekten tys XX Sezi 25 qarashada ótip, onyń barysynda 2025 jylǵa deıingi «Ózgerister joly: ár azamatqa laıyqty ómir!» atty saılaýaldy baǵdarlama qabyldandy.

Sondaı-aq, Sıez barysynda Parlament Májilisi saılaýyna 126 kandıdattan turatyn partıalyq tizim bekitildi. Onyń ishinde 77 kandıdat partıaishilik praımerız qorytyndysy boıynsha, 49 adam ortalyq partıalyq kvota boıynsha anyqtaldy.

Alǵash ret respýblıkalyq partıaishilik saılaý formatynda ótken «Nur Otan» partıasynyń praımerızine 10 myńnan astam kandıdat qatysty. Onyń qorytyndysy boıynsha 6253 adam «Nur Otan»-nyń barlyq deńgeıdegi 216 máslıhatqa arnalǵan partıalyq tizimderine endi. Osy oraıda, partıaǵa 42 myńnan astam jańa jaqtastar qosyldy. Olardyń 1000-nan astamy partıaishilik saılaýǵa qatysyp, árbir 3-eýi «Nur Otan» partıasynyń tizimine endi.

Praımerız barysynda halyqtyń belsendi qatysýynyń arqasynda «Nur Otan» partıasynyń 216 saılaýaldy óńirlik baǵdarlamasy talqylanyp, qabyldandy. Onda azamattardyń 20 myńnan astam usynysy eskerildi.