Prezıdent Qasym-Jomart Toqaev "Artificial Intelligence Journey" onlaın konferensıasynda sóz sóıledi, dep habarlady Aqorda saıty.

Resmı saıttyń málimdeýinshe, 90 elden 28 myńnan astam adam qatysyp, bul shara álem boıynsha bıylǵy eń iri konferensıalardyń biri bolǵan.

«Master event» Jasandy ıntellekt: bolashaqqa jaýapkershilikpen qaraý» taqyrybynda ótken plenarlyq talqylaýǵa memleket basshysymen qatar Reseı Federasıasynyń Prezıdenti Vladımır Pýtın qatysty. Jıynǵa "Sberbank" BAQ prezıdenti, basqarma tóraǵasy German Gref moderatorlyq etti.

Prezıdent óz sózinde álem ekonomıka, qaýipsizdik, medısına, saıasat sıaqty adam qyzmetiniń baǵyttaryn qamtıtyn jasandy ıntellekt, mashına arqyly oqytý jáne neırondyq jeliler dáýirinde ómir súrip jatqanyn atap ótti.

Onyń pikirinshe, bul ózgeristerdi COVID-19 pandemıasy kezinde qarapaıym adamdar da sezindi. 

– Bul bizge moıyn burýǵa mursha bermeı, zamanaýı tehnologıalar jetektep apara jatqan múldem jańa álem. Ol jarqyn keleshek pe, bulyńǵyr bolashaq pa? Keleshek urpaqqa ne qaldyratynymyz? Bul bizdiń – ınjenerlerdiń, IT- mamandarynyń, ekonomıserdiń, ásirese, saıasatkerlerdiń jumylǵan kúsh-jigerine baılanysty, – deıdi Toqaev.

Memleket basshysy búgingi tańda jasandy ıntellektiniń keskinine qarap-aq, aýrýdy anyqtap, dıagnoz qoıýǵa, adam ómirin saqtap qalýǵa múmkindik beretinin aıtty.

Jasandy ıntellektiniń qoldanylýy qaýipti ınfeksıalary bar aýrýlardyń kelesi tolqynyn 18 aı buryn anyqtaýǵa múmkindik jasaıdy. Bul kúrdeli jaǵdaıǵa daıyndalý úshin aıtarlyqtaı ýaqyt beredi.

Toqaev Qazaqstannyń jasandy ıntellekt tehnologıasyn órkendetýdi jáne úlken derekterge taldaý jasaýdy damýdyń negizgi basymdyqtarynyń biri retinde anyqtaǵanyn jetkizdi.

Onyń aıtýynsha, geografıalyq turǵydan úlken memleketterge el ishinde "sıfrlyq teńsizdikti" tómendetý jáne "sıfrlyq aglomerasıa" mańyzdy bolmaq.