Qazaqstannyń bas sanıtar dárigeri, densaýlyq saqtaý vıse-mınıstri Erlan Qıasov koronavırýs ınfeksıasy taralýynyń aldyn alý maqsatynda  jańa qaýly jarıalady.

2020 jylǵy 23 qazandaǵy №57 qaýlysynyń 8-tarmaǵynyń 2-tarmaqshasyna sáıkes, bosanýǵa seriktes kirýge ruqsat etiledi. Serikteste PTR ádisimen COVID-19-ǵa testiniń teris nátıjesi bar anyqtama bolýy kerek. Alaıda testiń nátıjesi 3 kúnnen aspaǵan bolýǵa tıis.

Sondaı-aq bas sanıtar dárigerdiń 2020 jylǵy 23 qazandaǵy №59 qaýlysyna da ózgertýler engizildi. Qaýlyda Qazaqstanǵa áýe reısterimen ushyp kelgenderge, temirjol, teńiz, ózen kóliginde jáne avtoótpe joldary arqyly kelgen adamdarǵa qatysty shekteý sharalaryna ózgerister engizildi.

Qaýlyǵa sáıkes:

– ertip júretin adamdarda Qazaqstannyń memlekettik shekarasyn kesip ótken sátte nátıjesi berilgen kúnnen bastap 3 táýlikten aspaıtyn PTR ádisimen COVID-19-ǵa testiniń teris nátıjesi bar anyqtama bolǵan kezde 5 jasqa deıingi balalardy, Qazaqstannyń úkimet delegasıalaryn; avıakompanıalar ekıpajdaryn qospaǵanda, barlyq kelgen adamdar anyqtama usynýǵa mindetti;

– ertip júretin adamdarda Qazaqstannyń memlekettik shekarasyn kesip ótken sátte nátıjesi berilgen kúnnen bastap 3 táýlikten aspaıtyn PTR ádisimen COVID-19-ǵa testiniń teris nátıjesi bar anyqtama bolǵan kezde 5 jasqa deıingi balalardy; Qazaqstannyń úkimet delegasıalaryn; lokomotıv brıgadalarynyń múshelerin; temirjol, teńiz jáne ózen kóligindegi tasymaldaý qyzmetimen baılanysty adamdardy qospaǵanda, barlyq kelgen adamdar anyqtama usynýǵa mindetti.

Qaýlyǵa sáıkes, Qazaqstan shekarasyna avıareıs, temirjol, teńiz jáne ózen kóligindegi tasymaldaý qyzmetimen kelgen jolaýshylardyń dene temperatýrasy tekseriledi. Eger dene temperatýrasy joǵary kelse, anyqtamasy bolǵanyna qaramastan, ınfeksıaly stasıonarda oqshaýlaýǵa jatady.

Qaýlynyń tolyq mátini myna siltemede.