Almaty qalasyndaǵy Dostyq úıinde Qazaqstan halqy Assambleıasynyń QR Tuńǵysh Prezıdenti – Elbasy kúnine arnalǵan «Eli súıgen, elin súıgen Elbasy» atty halyqaralyq onlaın bastaldy.

Jıynǵa QHA Tóraǵasynyń orynbasary – Hatshylyq meńgerýshisi J.Túımebaev, Qazaqstan halqy Assambleıasynyń músheleri, Elbasymen jeke kezdesken respýblıkalyq etnomádenı birlestikterdiń jetekshileri men jastary, zıaly jáne shyǵarmashylyq qaýym ókilderi, respýblıkalyq BAQ bas redaktorlary qatysyp jatyr.

İs-sharanyń maqsaty – Qazaqstan Respýblıkasy Tuńǵysh Prezıdentiniń zaıyrly memlekettiń negizin qalap, bolashaǵyn qalyptastyrýdaǵy tarıhı rólin aıshyqtaý, eldegi beıbitshilik pen qoǵamdyq kelisimdi saqtaý saıasatyn nasıhattaý, azamattyq, patrıottyq qundylyqtardy dáripteý.

«Qazaqstan Respýblıkasynyń Tuńǵysh Prezıdenti kúni – barsha qazaqstandyqtar úshin erekshe mereke.Tuńǵysh Prezıdent-Elbasy Nursultan Ábishuly Nazarbaevtyń táýelsiz Qazaqstandy quryp, damytýdaǵy qaıratkerlik tulǵasy men tarıhı mısıasyn pash etedi. Qazaqstannyń Táýelsiz, zaıyrly otyz jyldyq jańasha tarıhynyń árbir kezeńinde Ult Kóshbasshysynyń saıası qoltańbasy aıqyn kórinedi.Elbasy Qazaqstan halqyn bir maqsat, bir múdde, bir bolashaq jolyna jumyldyryp, elimizdi ultaralyq kelisim men birliktiń mekeni retinde álemge tanytty», - dedi. J. Túımebaev.