Almatyda elimizde alǵash ret «Eriktiler aleıasy» ashyldy. Aleıa Almaty qalalyq «Jas Otan» jastar qanatynyń bastamasymen, qalalyq qoǵamdyq damý basqarmasynyń qoldaýymen júzege asty. 

«Eriktiler aleıasy» Jetisý aýdanynyń «Gúlder» saıabaǵynda oryn aldy. İs – sharaǵa 20-dan astam erikti uıymynyń jetekshileri men belsendi músheleri qatysyp, shyrsha aǵashynyń kóshetterin otyrǵyzdy. 

"Sharany ótkizýdegi basty maqsat «Eriktiler jylynyń» aıasynda qalamyzdaǵy barlyq belsendi eriktiler uıymynyń basyn biriktirý. Qala ákiminiń «Jasyl Almaty» jobasyn júzege asyryp, ekologıamyzdyń jaqsarýyna úles qosý. Aleıa jyldan-jylǵa jańa aǵashtarmen tolyǵyp, eriktiler uıymynyń sany arta beredi degen oıdamyn. Atalmysh ıdeıany júzege asyrýǵa qoldaý kórsetken qalalyq Qoǵamdyq damý basqarmasyna alǵys bildiremiz", - dedi  Almaty qalalyq «Jas Otan» Jastar qanatynyń tóraǵasy Madı Ahmetov.

Aıta keteıik, uıymdastyrýshylar is-sharanyń ótý barysynda barlyq karantın sharalary saqtalǵanyn aıtady.