Almaty qalasynyń áskerıleri "Jaqynyńa ómir syıla" atty qan tapsyrý aksıasyn ótkizdi.  

Atalǵan aksıa Keńes odaǵynyń batyry, jazýshy, Ekinshi dúnıejúzilik soǵystyń dańqty jaýyngeri, áskerı qolbasshy Baýyrjan Momyshulynyń 110 jyldyq mereı toıy qarsańynda uıymdastyrylǵan.

"Almatydaǵy 07029 áskerı bólimniń qyzmetshileri búgin járdem is-sharasyn ótkizdi. Áskerıler karantındik talaptardy saqtaı otyryp  Almaty qalasy qaıtarylmaıtyn qan ortalyǵynda "Jaqynyńa ómir syıla" atty qan tapsyrý aksıasyn uıymdastyrdy. Bul mańyzdy is-shara Qazaqstan Respýblıkasy Qorǵanys mınıstrliginen qoldaý tapty. Sondyqtan áskerı qyzmetshiler bul aksıany birden qoldap, at salysyp, belsendiligin kórsetip, otanǵa degen patrıottyq sezimin jáne Qazaqstan Respýblıkasynyń naǵyz azamaty ekenderin tanyta bildi", - deıdi Áskerı bólim komandıri Nurlan Maratuly.

Qazirgi pandemıa jaǵdaıynda qan tapsyrý mańyzdy is-sharanyń biri. Qaladaǵy áskerıler epıdemıologıalyq jaǵdaı ornaǵan alǵashqy kúnnen beri alǵy shepte jumys atqaryp keledi, oǵan qosa naýqas adamdarǵa qan tapsyrýdy óz boryshtary sanap otyr

Áskerıler sondaı-aq Qazaqstan Respýblıkasy Premer-mınıstriniń nusqamasy boıynsha uıymdastyrylǵan bul aksıaǵa qoldaý bildirgen QR Qorǵanys mınıstrine alǵystaryn bildirdi.