Qurmanǵazy atyndaǵy Qazaq memlekettik akademıalyq halyq aspaptary orkestriniń 87-shi konserttik maýsymy ashyldy, dep habarlaıdy Almaty.tv.

Qurmanǵazy orkestri Akademık Ahmet Jubanovtan, qazaqtyń tuńǵysh kásibı dırıjeri Shamǵon Qajyǵalıevten  bastaý alǵan, tarıhy altyn áriptermen jazylǵan, Qazaqstannyń aspaptyq mýzykalyq óner tarıhynda biregeı ári  tuńǵysh orkestr.

Elbasy – Tuńǵysh  Prezıdentimiz Nursultan Nazarbaev sózimen aıtsaq, búgingi Táýelsiz memleketimizdiń injý-marjany.

87-shi konserttik maýsym aıasynda 1 jeltoqsan QR Tuńǵysh Prezıdenti kúnine oraı, Elbasymyzdyń eńbegin aıshyqtaý maqsatynda kórme uıymdastyryldy. 

Konserttik baǵdarlamada qazaq mýzykasynyń ulylyǵyn, uly dalamyzdyń keńdigin pash etetin sazdy áýendermen qatar álemdik klasıkalyq shyǵarmalar oryndaldy.

İs-sharada Qazaqstannyń eńbek sińirgen qaıratkeri – Batyrjan Myqtybaev, Halyqaralyq jáne Respýblıkalyq konkýrstardyń laýreattary: Aıdos Jabaǵın, Ajar Erkebýlanovalar óner kórsetti. Orkestrdiń bas dırıjeri, Memlekettik «Daryn» jastar syılyǵynyń laýreaty – Abylaı Tilepbergen.

Óner ujymynyń kelesi konserti 16 jeltoqsan QR Táýelsizdik kúni merekesine oraı 11 jeltoqsanǵa josparlanyp otyr.