Elin súıgen Elbasy. Osyndaı ataýmen Alataý dástúrli óner teatrynda konsertti uıymdastyryldy.

Arnaýly keshte ónerpazdarmen sahna sańlaqtary óz ónerlerin kórermen qaýymǵa usyndy. Maqsat – Ult kóshbasshysynyń elimizdi damytý men Táýelsizdikti nyǵaıtýǵa qosqan eren eńbegin nasıhattaý. Mádenı sharada dástúrli ánder men birge Nursultan Nazarbaevtyń súıikti ánderi shyrqaldy.

«Tuńǵysh prezıdentimizdiń  qurmetine oraı úlken konsert qoıyp jatyrmyz. Bul jerde  Alataý konserttik ujymynyń baǵdarlamasynan bólek, biz sıaqty aqsaqaldardy osy konsertke shaqyrǵan. Soǵan arnaıy kelip qaldyq. Sizderdi myna kelip jetken  Tuńǵysh prezıdentimizdiń  kúnine oraı  quttyqtaǵym keledi. Qazaq eline baqyt bereke baılyq tileımin!» – dedi  QR Halyq ártisi, kompozıtor Altynbek  Qorazbaev.  

Odan bólek, keshte kórý jáne estý múmkindigi shekteýli jandar da óner kórsetti. Sondaı-aq, Alataý fólklorlyq-etnografıalyq ansambiliniń súıemeldeýimen  dástúrli jáne halyqtyq án-kúıler oryndaldy. Aıta keteıik, saltanatty is-shara barysynda qonaqtar áleýmettik araqashyqtyqty da umytqan joq.  Teatr qyzmetkerleri kelýshilerdiń sanıtarlyq talaptardy saqtaýyn qatań baqylaýǵa aldy.

«Ózderińiz bilesizder, 1 jeltoqsan árqashanda bizde  Tuńǵysh prezıdent kúni bolyp belgilengen  úlken mereke. Sol mereke arnap mynaý Alataý dástúrli  óner  teatrynyń ujymy ózderiniń merekelik konsertin tartý etip otyr. Almaty jurtshylyǵyna jalpy qala qonaqtary jalpy qazaq halqyna osy mereke qutty bolsyn!  Árqashan elimiz aman, jurtymyz tynysh bolsyn!» – dedi Alataý dástúrli óner teatrynyń dırektory Dálel Ýáshev.