Almaty qalasynyń ákimi Baqytjan Saǵyntaevtyń ókimimen Narıman Tabynbaev qoǵamdyq densaýlyq saqtaý basqarmasynyń basshysy qyzmetine taǵaıyndaldy.

Narıman Tabynbaev 1961 jyly 23 aqpanda dúnıege kelgen. Almaty memlekettik medısına ınstıtýtyn, Qazaq ınjenerlik-tehnıkalyq akademıasyn bitirgen. Profesor, medısına ǵylymdarynyń doktory.

Eńbek jolyn 1985 jyly Qyzylorda oblysynyń ortalyq aýdandyq aýrýhanasynda balalar hırýrgi bolyp bastaǵan.

1988 jyldan 1994 jylǵa deıin Qyzylorda qalasyndaǵy oblystyq aýrýhananyń endoskopıa bóliminiń meńgerýshisi, aýrýhanadaǵy dıagnostıkalyq ortalyq bas dárigeriniń orynbasary bolyp jumys istedi.

1994-1997 jyldary – Almaty oblysynyń ortalyq aýdandyq aýrýhanasynda bas dárigerdiń emdeý isi jónindegi orynbasary.

1997-2002 jyldary Ýrologıa ǵylymı ortalyǵynda ǵylymı qyzmetker, aǵa ǵylymı qyzmetker, bólim meńgerýshisi, bas dáriger bolyp jumys istedi.

2008-2014 jyldar aralyǵynda Qyzylorda qalasyndaǵy oblystyq medısınalyq ortalyqtyń dırektory, Ýrologıa ǵylymı ortalyǵynyń dırektory qyzmetterin atqardy.

2014-2015 jyldary "Ulttyq medısınalyq holdıń" AQ Basqarma tóraǵasynyń orynbasary.

2015 jyldan bastap 2018 jylǵa deıin Ulttyq ǵylymı onkologıa jáne transplantologıa ortalyǵynyń dırektory bolǵan.

2019 jyldan bastap 2020 jylǵa deıin Fox Chase Cancer Center (Philadelphia, USA), University of Minnesota (Minneapolis, USA) taǵylymdamasynan ótti.

Osy qyzmetke taǵaıyndalǵanǵa deıin Almaty qalalyq Qoǵamdyq densaýlyq basqarmasynyń "Qalalyq klınıkalyq ortalyq aýrýhanasy" SHJQ MKK dırektory bolyp kelgen.