Prezıdent Qasym-Jomart TOQAEV 2020 jyldy «Eriktiler jyly» dep jarıalady. Ózin qoıa turyp ózgeni oılap, turmysy tómen otbasyǵa, taǵdyry talqyǵa túsken aǵaıynyna qolda baryn bólip qaıyrymdylyq jasaýdan qol úzbegen halqymyz bıyl eriktilerdiń eren eńbegine bas ıdi. Halyqaralyq volonterlar kúnine oraı Memleket basshysy onlaın rejımde jıyn ótkizip, eriktilerdiń jyl boıy atqarǵan jumysyn qorytyndylap, úzdikterdi marapattady. Oǵan oblys ákimi Amandyq BATALOV qatysty.

Jıyndy QR Aqparat jáne qoǵamdyq damý mınstri Aıda Balaeva ashyp, bastan-aıaq júrgizip otyrdy. Basqosýda áýeli elimizdegi eriktilerdiń atqarǵan jumystaryn kórsetý maqsatynda beıne-rolık kórsetildi. Osydan keıin ár sala boıynsha jaýapty qyzmet atqarǵan eriktiler ózderiniń jyl istegen  jumystaryn baıandap, aldaǵy ýaqytta da qaıyrymdylyq jasap qaıyryn kórgen dana halqymyzdyń sara jolyn jalǵaıtynyn jetkizdi. Sondaı-aq, el Prezıdentine kókeıinde júrgen oılary men usynys tilekterin aıtty.

Jıynda Qasym-Jomart Kemeluly:

– Eń aldymen barlyq volonterlerge shyn júrekten rızashylyǵymdy bildiremin. Sizder qıyn kezeńde elimiz úshin asa paıdaly, qajetti jumysty aqardyńyzdar. Eren eńbektiń arqasynda pandemıany da eńserip kelemiz. Eriktilerimiz eshqandaı qaýip-qaterge qaramaı dárigerlerge, áskerı qyzmetshilerge, qarapaıym azamattarǵa kóektesti. Bul naǵyz erlik. Senderdi maqtan tutamyn. Jańa eriktiler óte jaqsy bastamalar kóterildi. Barlyǵyn qoldaımyn. Ásirese, qoǵamdyq baqylaýshy jáne ekovolonter retinde belsendi bolǵandaryń qýantady. Máselen, Bogdan Petrovtyń ekologıalyq másele, Lılıa Sarsenovanyń qustardy qorǵaý boıynsha aıtqan usynystaryn tolyq qoldaımyn. Osydan týra bir jyl buryn «Eriktiler jylyn» resmı túrde ashqan bolatynbyz. Máne, qazir sonyń jemisin kórip otyrmyz. Bul Elbasynyń bastamasymen ótken «Jastar» jylynyń jalǵasy boldy. Biz muqtaj jandarǵa qol ushyn berip, túrli qıyndyqtarmen birge kúrestik. Qaýipti dert el-jurttyń densaýlyǵyn ǵana emes, bekem birligin de synǵa aldy. Biz bir el, bir halyq bolyp bul synǵa tótep berdik. Volonterler Otanǵa qyzmet etýdiń ozyq úlgisin kórsetti, – dep izgi tilegin bildirdi. Sonymen qatar, aldaǵy jyly da eriktilerge qoldaý bildiretinin aıtty.

Osydan keıin ilkimdi istiń ǵumyryn uzartqan elimizdiń úzdik eriktileri men uıymdary marapattaldy. Almaty oblysy boıynsha «Jomart júrek» bóliminiń «Týǵan ólke» nomınasıasy boıynsha Rýslan Kamerdınov úzdik dep tanyldy. Jeńimpazdy oblys ákimi quttyqtap, Alǵys hat pen estelik statýetka tabystady.

 Sońynda Amandyq Ǵabbasuly:

– Koronavırýs indeti órship turǵan ýaqytta elim dep qyzmet etip, qoǵamdyq jumysqa belsendi qatysyp júrgen eriktilerdiń isi kópke úlgi. Oblysymyzda áleýmettik jaǵynan tómen otbasylar men jetim-jesir, aýrý-syrqaýlarǵa, tosynnan járdemge zárý bolyp qalǵandarǵa kómek qolyn sozyp jatqan nebir uıym, qaıyrymdylyq qorlary bar. Olar «Jomarttyq – jannyń baılyǵy», – dep jaqsylyq jasaýǵa jarysa umtylyp, barymen bólisip, ortaq maqsatqa jumyla atsalysýda. Kelesy jyly darqan minezdi halqymyzdyń qanyna sińgen qaıyrymdylyq jumystary jalǵasa bererine senimim mol, – dep jaýapty mamandarǵa eriktilerge ortalyq ashyp berýdi, kólikpen jáne kerekti jabdyqtarmen qamtamasyz etýdi tapsyrdy.

Aıta keteıik, Almaty oblysy boıynsha 3243 erikti tirkelgen. Al jastar isi jónindegi komıtet sany 41, jastar úkimettik emes uıymdar sany 70, eriktilik toptar sany 37.

Oblys boıynsha qańtar, aqpan jáne naýryz aılarynda «Ardagerlerdi ardaqtaıyq» aksıasy boıynsha jyl basynan Uly Otan soǵysynyń ardagerlerine, tyl jáne eńbek ardagerlerine, jalǵyz basty qarıalarǵa áleýmettik kómek kórsetý boıynsha 646 aksıa. 1 naýryz «Alǵys aıtý» kúnine oraı Almaty oblysy boıynsha 134 qaıyrymdylyq is-shara.8 naýryz Halyqaralyq áıelder kúnine oraı eriktiler mereke qarsanynda «Qýanysh syıla» atty 143 is-shara ótti. Oblys eriktileri jastardyń quqyǵy jóninde túsinigin keńeıtý, quqyqtyq tárbıe berý, terorızm jáne diń, jemqorlyq taqyryptaryna baılanysty  jergilikti  quqyq qurǵaý organdarymen birlesip 119 shara uıymdastyrdy.

 Dúnıejúzilik densaýlyq saqtaý uıymynyń jańa COVID-19 koronavırýsyn pandemıa dep jarıalaýyna baılanysty azamattardyń ómiri men densaýlyǵyn qorǵaý maqsatynda Qazaqstan Respýblıkasynyń barlyq aýmaǵynda 2020 jyly 16 naýryz kúninen bastap tótenshe jaǵdaı engizilgen bolatyn.Osyǵan oraı «Biz birgemiz» jobasy aıasynda oblys eriktileri áleýmettik jaǵdaıy tómen otbasylardy  azyq-túlikpen, betperde jáne antıseptıkpen qamtamasyz etti. I toqsan boıynsha jalpy 1012 «Meıirimdi Jetisý»  aksıasy uıymdastyrylyp, barlyǵy 1600-den astam erikti  qatysty. Aksıa barysynda 22243 betperde taratylyp, 2621 otbasyǵa azyq-túlik sebetteri berildi.

 Oblys boıynsha sáýir, mamyr, maýsym aılarynda memlekettegi tótenshe jaǵdaılarǵa baılanysty 404-404 qaýyrt jeli (goráchaıa lınıa) baılanys telefony 1-shi sáýir aıynan bastap iske qosyldy. Táýlik boıy óz jumysyn jalǵastyratyn jedel jeli tutqasynda: halyqqa birinshi kezekte kómegi qajet mamandar otyrdy. Atap aıtsaq: densaýlyq saqtaý salasynyń mamandary, jumyspen qamtý jáne áleýmettik baǵdarlamalar boıynsha arnaıy mamandar, bilim berý basqarmasy mamandary jáne eriktiler qyzmetin uıymdastyrýshy jastar. Búgingi kúni qaýyrt jeli arqyly baılanysqan oblys turǵyndarynyń sany 5773 adam. Qońyraý soqqan turǵyndardyń 1997-i áleýmettik kómek, azyq-túlikpen qamtamasyz etý boıynsha kómek surasa, 457-i bilim berý salasy, ıaǵnı qashyqtan oqytý boıynsha, 1284-i densaýlyq saqtaý salasy boıynsha mamandar keńesine júgindi.

Sondaı-aq, eriktilerdiń front-ofısinde avto-eriktiler azyq-túlikterdi qabyldaý jumystaryn júrgizýde. Turǵyndar kaspıı-gold mobıldi qosymshasy arqyly tólem aqy júrgizip, qajetti azyq-túlikke, dári-dármekke tapsyrys bere alady. Búgingi kúni bul jumysty júrgizý úshin 60 avto-erikti tirkeldi. Onyń ishinde dezınfeksıalyq jumystar 116, dári-dármek tasymaldaý boıynsha 1889, medısınalyq antıseptık taratý 1349, jeke gıgıenalyq zattarmen qamtamasyz etý 1234.

II toqsan boıynsha «Biz birgemiz» jobasy aıasynda  1350  «Meıirimdi Jetisý»  aksıa, «Ardagerlerdi ardaqtaıyq» atty 817 aksıa, COVID-19 koronavırýsyn aldyn alýǵa arnalǵan is sharalar 318 jáne quqyqtyq tárbıe berý, terorızm jáne diń, jemqorlyq taqyryptaryna baılanysty 92 is shara uıymdastyrylyp, barlyǵy 2100-den astam  erikti  qatysty. İs shara maqsaty:  áleýmettik jaǵdaıy tómen jáne jalǵyz basty qarıalardy, otbasylardy  azyq-túlikpen, betperde jáne antıseptıkpen, dári-dármekpen qamtamasyz etti. Aksıa barysynda 41751 betperde taratylyp, 13050 otbasyǵa azyq-túlik sebetteri berildi.

Oblys boıynsha shilde, tamyz, qyrkúıek aılarynda Almaty oblysy boıynsha eriktilik qozǵalys keńinen damydy. Atap aıtsaq eriktiler toptarynyń sany 24-ten 37-ge artyp, toptar ishinde eń aýqymdy sharalar uıymdastyrǵan «Barakat pýt k dobrý» toby. Toptyń negizin qalaýshy-Nurtýǵan Ásem 2020 jyldyń 15 sáýir kúni elimizdegi pandemıaǵa oraı qalaǵan bolatyn. Búgingi tańda top quramynda 11 volonter jumys isteıdi. Top qyzmetiniń negizgi baǵyty muqtaj adamdarǵa azyq-túlikke kómek kórsetý. Sondaı-aq, medısına, bilim berý, jalǵa beriletin turǵyn úı, kıim izdeýge kómek kórsetý baǵyttary bar.Top qurylǵan kúnnen bastap 400-den astam otbasyna azyq-túlik kómegi kórsetildi. Eriktilerdiń qozǵalysy arqyly  jyl basynan osy kúnge deıin oblys boıynsha 61 532 595 mln  tenge jınalyp qaıyrymdylyq, medısına salalaryna baǵyttalǵan bolatyn.Bul aýqymdy qarjyny aýdan, qalanyń betke ustar bıznesmendary, mesenattary, bank ókilderi, jalpy pandemıa kezinde shette qalmaı qol úshin sozǵan turǵyndar áleýmettik, qaıyrymdylyq baǵyttaryna  eriktilerge qoldaý kórsetip demeýshi bolǵan bolatyn.

III toqsan boıynsha «Biz birgemiz» jobasy aıasynda  390  «Meıirimdi Jetisý»  aksıa, «Ardagerlerdi ardaqtaıyq» atty 460 aksıa, COVID-19 koronavırýsyn aldyn alýǵa arnalǵan is sharalar 236 jáne quqyqtyq tárbıe berý, terorızm jáne diń, jemqorlyq taqyryptaryna baılanysty 78 is shara uıymdastyrylyp, barlyǵy 3200-den astam  erikti  qatysty. Qaıyrymdylyq aksıa barysynda 25196 betperde taratylyp, 1778 otbasyǵa azyq-túlik sebetteri berildi.

Almaty oblysy boıynsha aýdan, qalalarda ótkizilgen «Meıirimdi Jetisý» aksıasynyń jalpy sany 2752. Búgingi tańda oblys boıynsha jalpy  9490 qaıyrymdylyq aksıalary ótkizildi.  Áleýmettik jaǵdaıy tómen, az qamtylǵan jáne kópbalaly otbasylar men jalǵyzbasty analarǵa, jalpy 26726 otbasyna áleýmettik kómek kórsetilip, azyq-túlikpen qamtamasyz etildi. Oblys eriktileriniń atsalysýymen búgingi kúnde 78841  betperde turǵyndarǵa taratyldy.

Myna almaǵaıyp zamanda adamǵa eń keregi  meıirim. Adamdyq qasıetti  materıaldyq qundylyqtan da joǵary qoıǵan úlken júrekti jandar ıgi isi kóńilge qýanysh uıalatady. «Qaıyrymdy qol tamuqta da kúımeıdi» – degen naqyl bar. Ómirdiń  serippesi bolyp turǵan  aqkóńil, jaqsylyqqa jany qumar jandardyń jalyndy isteri barsha qurmetke laıyq.