Densaýlyq saqtaý vıse-mınıstri, Qazaqstannyń bas memlekettik sanıtar dárigeri Erlan Qıasov eldegi epıdemıologıalyq jaǵdaıdy málimdedi. 

– Qazaqstan búgingi kúni "jasyl" aımaqta. Qazirgi ýaqytta COVID-19 taralýy boıynsha tómengi táýekel aımaǵynda tur. 9 jeltoqsanǵa sáıkes COVID-19 oń nátıjeli 138 382 naýqas jáne KVI-pnevmonıasymen 43 339 jaǵdaı tirkeldi. Qyzyl aımaqta 2 aýmaq: olar Soltústik Qazaqstan jáne Pavlodar oblystary, – dedi ol.

Bas sanıtar dárigerdiń aıtýynsha sońǵy 2 apta ishinde koronavırýs ınfeksıasymen aýyratyndar 10% (11 bastap 24 qarashaǵa deıin – 9 410 jaǵdaı, 25 qarashadan bastap 8 jeltoqsanǵa deıin – 10 802) joǵarylap otyr.

– Táýekeli joǵary óńirlerde kúsheıtilgen sharalar saqtaldy. Syrqattanýshylyqtyń ósýi joq óńirlerde birtindep karantındik sharalardy jeńildetý engizilýde. Mysaly, birqatar óńirlerde ashyq azyq-túlik bazarlarynyń qyzmetine ruqsat etilgen, saýda-oıyn-saýyq ortalyqtarynyń jumys tártibi ózgerdi. Osy rette, barlyq aýmaqtarda kez-kelgen ujymdyq merekelerdi ótkizýge tyıym salynǵan, – dep atap aıtty ol.

Erlan Qıasov qazaqstandyqtardy uzaq demalys kúnderi jáne jańa jyldyq merekelerdiń jaqyndaǵanyn eskere otyryp, koronavırýstyq ınfeksıanyń aldyn-alý sharalaryn saqtaýǵa shaqyrdy.