Prezıdent Qasym-Jomart Toqaev respýblıkalyq búdjettiń atqarylýyn baqylaý jónindegi esep komıtetiniń tóraǵasy Natalá Godýnovany qabyldady. Bul týraly Aqorda saıty málimdedi.

Resmı saıtty habarlaýynsha, ol Toqaevqa respýblıkalyq búdjettiń atqarylýyn baqylaý jónindegi esep komıtetiniń jyl basynan beri atqarǵan jumystarynyń negizgi nátıjeleri týraly esep berdi. 

Esep komıtetiniń tóraǵasy prezıdentke jalpy sıpattaǵy transfertterdi qalyptastyrý máselesi boıynsha ulttyq ekonomıka mınıstrliginde júrgizilgen tekserýdiń qorytyndylary jóninde baıandady.

Sondaı-aq kezdesý barysynda búdjetaralyq qatynastar jáne óńirlik damýdyń ózekti problemalary talqylandy. Memleket basshysy atalǵan máseleni reformalar jónindegi joǵary keńestiń otyrysynda qaraýǵa engizýdi tapsyrdy.

Kezdesý sońynda prezıdent Natalá Godýnovaǵa birqatar naqty tapsyrma berdi.