"Huawei kompanıasy Qytaıdaǵy qazaq, uıǵyr sıaqty musylman azshylyqtardy baqylaýǵa qatysty" degen apqarattardan keıin Fransýz fýtbolshysy Antýan Grızmann Qytaı telekomýnıkasıalyq fırmasymen demeýshilik kelisimshartty toqtatqanyn aıtty.

Jaqynda shyqqan esepte "Qytaı polısıasy úshin musylman azshylyqtaryn anyqtaýǵa kómektesetin, bet-álpetti tanıtyn baǵdarlamalyq jasaqtamany Huawei kompanıasy synaqtan ótkizdi" degen boljam jasaldy.

Huawei VVS-ge bul aqparattardy múldem joqqa shyǵardy jáne Grızmannnyń sheshimi "ókinishti" ekenin aıtty.

Qytaı azshylyqtarǵa qatysty kóptegen syn-pikirlerge ushyraýda.

Qytaı úkimeti Shyńjań provınsıasynda bir mıllıonnan astam az ulttardy "qaıta tárbıeleý lagerleri" dep anyqtaǵan oryndarda qamaǵan dep sanalady. Degenmen, Beıjiń árdaıym qatygez áreketterdi joqqa shyǵarýda jáne lagerler terorızmdi joıýǵa jáne jumysqa ornalasý múmkindigin jaqsartýǵa arnalǵan dep aıtady.

29 jastaǵy Grızmann 2017 jyldan bastap Huawei kompanıasynyń brend elshisi boldy jáne kompanıanyń Fransıadaǵy jarnamasynda erekshe oryn aldy.

AQSH-taǵy IPVM qadaǵalaý-zertteý fırmasy seısenbidegi esebinde Qytaıda bet-álpetti taný baǵdarlamalyq jasaqtamasyn Shyńjańdaǵy etnıkalyq azshylyqtardy anyqtaý úshin qoldanatyn testileýge Huawei kompanıasynyń qatysqanyn habarlady.

Osy jyldyń basynda "Arsenal" men Germanıanyń eks-oıynshysy Mesýt Ózıl de qazaqtar men uıǵyrlardy "qýǵyn-súrginge qarsy turǵan jaýyngerler" dep atap, Qytaıdy jáne aıyptalǵan qatygezdikke únsiz otyrǵandardy synǵa aldy.

Bul Beıjińniń shamyna tıip memlekettik teledıdar "Arsenaldyń" artıkýlin teledıdar kestesinen alyp tastady. Ózıl sonymen birge Pro Evolution Soccer vıdeo oıynynyń qytaı tilindegi nusqasynan alynyp tastaldy.