Qazaqstannyń Syrtqy ister mınıstrligi Reseıdiń memlekettik dýma depýtaty Vácheslav Nıkonov sekildi deńgeıdegi adamnyń oısyz aıtylǵan málimdemesine nazar aýdarmaıdy. Bul týraly KazTAG agenttigine mınıstrliktegi derekkóz málim etken.
– Bul ("Qazaqstan aýmaǵy – Reseı tarapynan jasalǵan syı" deý – red.) málimdeme – spıkerdiń (Reseı dýmasynyń depýtaty jáne "Bolshaıa ıgra" baǵdarlamasynyń júrgizýshisi Vácheslav Nıkonov – red.) tómengi bilimi men tárbıesin kórsetetin oısyz aıtylǵan sóz, – degen derekkóz.
Insaıder qazaqstandyq SyrtİsMın mundaı málimdemeler nazar aýdarýǵa turmaıdy dep sanaıtynyn atap ótken.
– Nur-Sultan men Máskeý arasynda keremet dostyq qarym-qatynas ornaǵan ári barlyq másele boıynsha túsinistik saltanat qurǵan, – degen derekkóz agenttikke.
Buǵan deıin Reseı dýmasynyń depýtaty jáne "Bolshaıa ıgra" baǵdarlamasynyń júrgizýshisi Vácheslav Nıkonov "Pervyı kanal" memlekettik telearnasynyń efırinde "Qazaqstan aýmaǵy – Reseı tarapynan jasalǵan syı" dep málimdegen.
Pikir qaldyrý