Mańǵyshlaq-Aqtóbe poıyzynda júk vagony órtke oranyp, bes adam zardap shekti. Poıyzdaǵy órt týraly tótenshe jaǵdaı mınıstrliginiń baspasóz qyzmeti habarlady.

2020 jylǵy 14 jeltoqsanda saǵat 04.30-da Mańǵystaý oblysynyń tótenshe jaǵdaılar departamentine Mańǵystaý oblysy Beıneý aýdanynyń aýmaǵynda ornalasqan №464 aıyryǵy aýdanynda №109 "Mańǵyshlaq-Aqtóbe" jolaýshylar poıyzynyń júk tasymaldaý vagony janǵany týraly aqparat kelip túsken.

Aqparat túskennen keıin tótenshe jaǵdaı ornyna TJ departamenti, apattar medısınasy ortalyǵy, "QazmunaıTeńiz" MÓQQ, "QTJ" UQ AQ 30 adamnan turatyn kúshter men quraldar, 7 tehnıka jáne 1 órt poıyzy jiberildi.

Órttiń basqa vagondarǵa taralýyna jol bermeý maqsatynda bagaj vagony jolaýshylar vagonynan ajyratyldy.

Órt saldarynan 5 adam, onyń ishinde 1 bala túrli dárejedegi kúıik aldy. Barlyq zardap shekkender júk vagonynda bolǵan. Zardap shekkender Beıneý aýylyndaǵy ortalyq aýrýhanaǵa jetkizildi.

Qolda bar derekke saı órttiń shyǵýna júk vagonyndaǵy gaz balonynyń jarylýy sebep bolǵan.

Saǵat 07.19-da órt sóndirildi, júk vagony tolyǵymen janyp ketti.

Qazirgi ýaqytta İshki ister organdarynyń kúshi órtengen vagon qorshaldy, sondaı-aq órttiń sebepteri men mán-jaılaryn anyqtaý úshin Mańǵystaý oblysy TJ departamentiniń zertteý órt sóndirý zerthanasy jiberildi.

Saǵat 09.18-te jolaýshylar vagondary Aqtóbe stansıasyna jiberildi.