«Nur Otan» partıasy Qyzylorda oblystyq fılıaly atynan QR Parlamenti Májilisi men oblystyq jáne qalalyq máslıhatynyń depýtattyǵyna kandıdattar «Qazposhta» AQ Qyzylorda fılıaly qyzmetkerlerimen kezdesti.

İs-shara barysynda kandıdattar sala mamandarymen pikir almasyp, túrli máselerdi saralady.

Basqosýǵa  QR Parlamenti Májilisi depýtattyǵyna úmitker Ǵalym Ámireev, oblystyq máslıhat depýtattyǵyna úmitkerler Gúlnár Esqalıeva, Nurbolat Ibraev, Maǵjan Eralıev, qalalyq máslıhat  depýtattyǵyna úmitker Aıgúl Musabaeva, Ájibek Mampaev saılaýaldy baǵdarlamadaǵy negizgi  mindetterdi  tanystyrdy.

QR Parlamenti Májilisi depýtattyǵyna úmitker Ǵalym Ámireev, álemdik koronavırýstyq pandemıa bizdiń eldiń ekonomıkalyq jaǵdaıyna keri áserin tıgizgenin, halyqtyń qaýipsizdigi basty orynda ekenin aıtty.

– 2020 jyl biz úshin úlken synaqtardyń jyly boldy. Koronavırýstyq pandemıa bizdiń ómirimizdi, basymdyqtardy ózgertip, kóptegen suraqtarǵa basqasha qaraýǵa májbúr etti. Biz basty qundylyq adamnyń ómiri men densaýlyǵy ekenin túsindik. Qazaqstan da álemniń basqa elderi sekildi uzaq merzimdi karantınge jáne shekteý sharalaryna baılanysty úlken qıyndyqtarǵa tap boldy. Osy syn-qaterlerge qaramastan, «Nur Otan» partıasy ekonomıkanyń turaqtylyǵyn qamtamasyz etý úshin, qyzmet jasap turǵan jumys oryndaryn saqtap qalý jáne jańa jumys oryndaryn ashý úshin sondaı-aq, oblysymyzdy qaýipsiz ári jaıly etý úshin bar kúshin salady, – dedi Ǵalym Ámireev.

Al qalalyq máslıhat  depýtattyǵyna úmitker Aıgúl Musabaeva "30 jyldan astam bilim berý salasynda qyzmet etip kelemin. Damyǵan 30 eldiń qataryna ený urpaq tárbıesi men bilimine tikeleı táýeldi ekenin eskersek, partıanyń bilim berý salasyna qatysty jospary úlken kómek kózine aınaldy. Bilim berý salasynyń tórt satysy partıa baǵdarlamasynda tolyq qamtylǵan. Elbasymyz táýelsizdik alǵan jyldardan beri bilim berý isine kóńil bólip, túrli baǵdarlamanyń jaryqqa shyǵýyna múmkindik syılady. Sondyqtan partıa mindetiniń basty negizi – bilim sapasyn arttyrý. Qazirgi tańda mańyzdy saıası naýqannyń aldynda turmyz. Árbir úmitker eleýli máseleniń sheshim tabýyna atsalysyp júrgen azamattar. Oǵan qosa, saılaýaldy baǵdarlamada túrli saladaǵy máseleler kórsetilip, sheshim joldary naqtylanǵan. Sondyqtyn senim bildirip, qoldaý tanytýlaryńyzdy suraımyn" dedi.

«Qazposhta» AQ Qyzylorda fılıaly dırektorynyń orynbasary Aızat İzteleýova, úmitkerlerdi zaman aǵymyna saı talaptardy ıgergen pochta qyzmetimen tanystyrdy.

– Qyzylorda oblysy boıynsha halyqqa 189 baılanys bólimshesi qyzmet kórsetip keledi, onyń ishinde Qyzylorda qalasynda 18 qalalyq baılanys bólimshesi jáne baılanys pýnktteri bar. Oblys  boıynsha 656 adam jumys isteıdi, onda zeınetaqy jáne basqa da áleýmettik tólemder men járdemaqylardy alýshylarǵa qaltqysyz qyzmet kórsetiledi, – dedi ol.

İs-shara sońynda úmitkerler suraqtarǵa jaýap berip, «Nur Otan» partıasyna daýys berýge shaqyryp, úgit-nasıhattyq jadynama taratty.

«Nur Otan» partıasy Qyzylorda oblysynyń Saılaý qorynyń qarajatynan tólendi