Memleket basshysy Qasym-Jomart Toqaevtyń atyna Qazaqstannyń táýelsizdik kúnine oraı Reseı prezıdenti Vladımır Pýtınniń quttyqtaý jedelhaty kelip tústi, dep habarlady Aqorda saıty.

"Memleketterimiz arasyndaǵy strategıalyq seriktestik pen odaqtastyq qatynastar tabysty damyp kele jatqany qýantady. Biz kúsh biriktire otyryp, barlyq ekijaqty baılanystardy, sondaı-aq, Eýrazıalyq ekonomıkalyq odaq, ujymdyq qaýipsizdik shart týraly uıym, TMD, Shanhaı yntymaqtastyq uıymy, Birikken Ulttar Uıymy jáne basqa da kópjaqty qurylymdar aıasyndaǵy yqpaldastyqty  odan ári nyǵaıtatynymyzǵa senimdimin. Munyń baýyrlas halyqtarymyzdyń múddelerine jaýap beretini sózsiz. Sondaı-aq eýrazıalyq keńistiktegi qaýipsizdik pen turaqtylyqty nyǵaıtý jolymen kele jatqanymyzdy bildiredi. Ózińizge zor densaýlyq pen tabys, al barlyq dostas Qazaqstan azamattaryna shyn júrekten baq-bereke tileımin" delingen Reseı prezıdentiniń jedelhatynda.