Qazaqstan Respýblıkasy Bilim jáne ǵylym mınıstrliginiń bastamasymen jańa oqý jylynyń aldynda jyl saıynǵy jalpy respýblıkalyq «Mektepke jol» aksıasy ótti.
Aksıanyń maqsaty – oqýshylardyń mektepke barýyn qamtamasyz etý, az qamtylǵan jáne kópbalaly otbasylardan shyqqan balalardyń qajetti bilim alýyna kómektesý.
Osy maqsatta qalamyzdaǵy Mádenıet úıinde qala ákimdiginiń bastamasymen «Mektepke jol» «Balalarǵa birge kómek bereıik!» atty aksıa joǵary deńgeıde uıymdastyrylyp ótti.
Atalǵan aksıa shahar basshysy S.Ertaıdyń quttyqtaý sózimen bastalyp, konserttik baǵdarlamalarǵa ulasty. Aksıa barysynda balalarǵa qajetti oqý quraldary men kıim-keshekter úlestirildi. Atap aıtqanda aksıaǵa qala basshysynyń bastamasymen qala ákiminiń orynbasarlary, máslıhat depýtattary, aýyldyq okrýg ákimderi, derbes bólim basshylary, quqyq qorǵaý organdary men densaýlyq saqtaý, temirjol jáne memlekettik mekemelerdiń basshylary, qalamyzdaǵy bas ımam men jeke kásipkerler qatysyp, atsalysty.
Jyl saıyn demeýshilik kórsetip júrgen, jany jomart azamatymyz Qazaqstan Halyqtar Dostyǵy ýnıversıtetiniń Prezıdenti Á.Qýatbekov 10 balaǵa qajetti kıimder men oqý qural jabdyqtaryn tabystady.
Bıylǵy jylǵy aksıanyń ereksheligi qalamyzdaǵy «Torabtyq aýrýhana» ujymynyń demeýshileri qaıyrymdylyq kórsetken balaǵa jyl boıyna mekeme arqyly saýyqtyrý kesheninde tegin emdelip, demalýyna jáne jeke kásipker J.Sársenbekov ózi qaıyrymdylyq kórsetken balanyń otbasyna jyl kóleminde azyq-túlikpen jáne otyn-sýmen qamtamasyz etetindikterin rastaıtyn sertıfıkat tabystady.
Aksıa barysynda demeýshiler esebinen 150 balaǵa 3,0 mln. teńgeniń kóleminde materıaldyq kómek kórsetildi.
Qala basshysy S.Ertaı demeýshilerdi qala ákimdiginiń atynan rızashylyǵyn bildirip, «Alǵys hattarmen» marapattady.
Bul shara áli jalǵasyn tabatyn bolady.
Arys qalasy ákiminiń baspasóz hatshysy
