Taǵdyr tálkegimen múgedek bala tárbıelep otyrǵan otbasylar az emes. Ondaı otbasylar baýyr eti balasyn arnaýly oryndarda oqytyp jatsa, kópshiligi úıde oqyp tárbıelenýde. Úıde oqıtyn múgedek balalarǵa memleket tarapynan materıaldyq qamsyzdandyrý taǵaıyndalatynyn bilmeıtin de ata-analar bolýy múmkin. Memleket tarapynan kórsetiletin mundaı múmkindikti alý úshin, Siz áleýmettik qamsyzdandyrý mekemelerimen qatar, ózińiz turatyn jerdegi Halyqqa qyzmet kórsetý ortalyǵyna júginseńiz bolady. «Úıde oqıtyn múgedek balalarǵa materıaldyq qamsyzdandyrýdy taǵaıyndaý» memlekettik kórsetiletin qyzmeti Halyqqa qyzmet kórsetý ortalyǵynda balamaly túrde kórsetiledi. Ol úshin HQKO-ǵa myna qujattardy alyp barasyz: 1) sáıkes nysan boıynsha ótinish; 2) kórsetiletin qyzmetti alýshynyń, zańdy ókiliniń jeke basyn kýálandyratyn qujat; 3) turǵylyqty jeri boıynsha tirkelgenin rastaıtyn qujat (mekenjaı anyqtamasy ne aýyl ákiminiń anyqtamasy); 4) psıhologıalyq-medısınalyq-pedagogıkalyq konsýltasıanyń qorytyndysy; 5) múgedektigi týraly anyqtama; 6) banktegi shottyń bolýy týraly qujat; 7) sáıkes nysan boıynsha múgedek balanyń úıde oqý faktisin rastaıtyn oqý ornynyń anyqtamasy. Salystyryp tekserý úshin qujattardyń túpnusqalary jáne kóshirmeleri usynylady, sodan keıin qujattardyń túpnusqalary kórsetiletin qyzmetti alýshyǵa qaıtarylady; Memlekettik qyzmetti kórsetý merzimi: HQKO-ǵa qujattardyń toptamasyn tapsyrǵan sátten bastap – 10 (on) jumys kúni ishinde; Memlekettik qyzmet tegin kórsetiledi. Kórsetiletin qyzmetti alýshynyń ESQ-sy bolǵan jaǵdaıda memlekettik kórsetiletin qyzmetti portal arqyly elektrondyq nysanda alýǵa múmkindigi bar. Memlekettikqyzmetterkórsetýmáselelerijónindegiaqparatty – 1414 nómirinen bilseńiz bolady. «Halyqqa qyzmet kórsetý ortalyǵy» RMK-nyń OQO boıynsha fılıalynyń Otyrar aýdandyq bóliminiń ınspektory N.N. Mahanbetov