SpaceX kompanıasynyń ıesi, kásipker Ilon Mask sýper ıntellektýaldy kelimsekter adamzatty baqylap otyrýy múmkin dep boljady.  

BAÁ bolashaq jáne kabınet isteri mınıstri, Dúnıejúzilik úkimet samıtiniń (WGS) tóraǵasy Mohammad Al Gergavı Ilon Maskpen suhbattasqanda bógde ǵalamsharlyqtar taqyryby qozǵaldy.

Al Gergavı "Kelesi 50 jyl ishinde kelimsektermen baılanys ornatamyz dep oılaısyz ba?" dep surady. Mask muny "aıtý qıyn" ekenin moıyndap, bógde ǵalamsharda órkenıet bolý yqtımaldyǵy joǵary ekenin alǵa tartty.

– Eger ol jerde sýper ıntellektýaldy tirshilik bolsa, olar bizdi baqylap otyrǵan shyǵar... Bul óte joǵary yqtımaldyq. Biz ony baıqaı alatyndaı jetkilikti dárejede aqyldy emespiz, – dedi Mask.

Álemdik jetekshi fızıkterdiń biri Nıl de Grass Taıson da bir kezderi osyǵan uqsas sózder aıtqan.