Kandıdattar kezekti kezdesýin «Jibek joly» oıyn-saýyq ortalyǵynda ótkizdi.

Parıanyń saılaýaldy baǵdarlamasynda shaǵyn jine orta kásipkerlikti qoldaý boıynsha arnaıy tarmaqtar aıtylǵan. Shaǵyn jáne orta bıznesti damytý – óńir ekonomıkasynyń ósý rezervteriniń biri bolyp tabylady. aýdannyń jalpy óńirlik ónimine shaǵyn jáne orta bıznestiń úlesi artyp keledi. Degenmen bıylǵy jylǵy COVID-19 taralýy jáne onyń saldary bıznestiń ekonomıkalyq belsendiliginiń tómendeýine aıtarlyqtaı áser etti. Ekonomıkanyń bólshek jáne kóterme saýda, qoǵamdyq tamaqtaný sıaqty sektorlary eń kóp zardap shekti. Tótenshe jaǵdaı kezinde aýdan aýmaǵynda kóptegen shaǵyn jáne orta kásipkerlik sýbektiler óziniń qyzmetin toqtatty. Partıa zardap shekken bıznes sýbektileriniń qyzmetin qalpyna keltirý úshin ǵana emes, sondaı-aq «Atameken» UKP-men memlekettik qoldaý men yntymaqtastyqtyń qoldanystaǵy quraldaryn belsendi paıdalaný arqyly jańalaryn qurý úshin jaǵdaı jasaıtyn bolady. «Bıznestiń jol kartasy-2025» baǵdarlamasy sheńberinde, jańa bıznes ıdeıalardy iske asyrý maqsatynda keler jylǵa birshama jańa jobalar qarastyrylǵan.

«Nur Otan» alǵa qoıǵan maqsatqa jetý úshin birinshi kezekte qoldaýshylardyń usynys pikirine qulaq asady» dedi bazar ujymymen kezdesken partıa jaqtastary.

Birinshi kezektegi mindet – qol jetkizgen jetistikterimizdi joǵaltpaý. Qazaqstannyń Táýelsizdik jyldaryndaǵy jetistikteri orasan zor.

Partıalyqtar, saılaýshylardyń usynys-pikirin tyńdap, 10 qańtarda ótetin saılaýǵa belsendilikpen qatysyp, «Nur Otan» partıasyn qoldap, daýys berýge shaqyrdy.

«Nur Otan» partıasy Saryaǵash aýdandyq fılıalynyń baspasóz qyzmeti