Densaýlyq saqtaý mınıstrligi koronavırýs boıynsha sońǵy derekti jarıalady.

Mınıstrlik málimetinshe, sońǵy táýlikte 652 adamnan koronavırýs anyqtalǵan. 6 adam qaıtys bolǵan. 25 adamǵa pnevmonıa juqqany belgili bolyp, 4 naýqas indetten kóz jumǵan.

"Búginde 25 350 adam koronovırýs ınfeksıasynan emdelýde, olardyń ishinde 4 482 pasıent stasıonarda, 20 868 naýqas ambýlatorıalyq deńgeıde em qabyldaýda. Olardyń arasynda 259 adamnyń jaǵdaıy aýyr, 38 pasıenttiń jaǵdaıy óte aýyr, 37 naýqas ÓJJ apparatynda jatyr" delingen mınıstrlik málimdemesinde.

Qazaqstanda COVID-19 tirkelgen alǵashqy kúnnen búginge deıin 146 584 adamnan koronavırýs anyqtalǵan. Onyń ishinde 2186 adam qaıtys bolǵan. 1 tamyzdan bastap júrgizilgen pnevmonıa statısıkasyna sáıkes, osy kúnge deıin 44 385 adamnan pnevmonıa anyqtalyp, 474 adam kóz jumǵan.