«Nur Otan» Respýblıkalyq saılaýaldy shtaby óńirlerge saparyn jalǵastyrýda. Búgin bıleýshi partıa ókilderi Aqmola oblysyna keldi.

Saılaýaldy shtab músheleri Kókshetaý qalasynda jas mamandarmen jáne «Serpin» memlekettik baǵdarlamasynyń qatysýshylarymen birge jastardyń óz qabiletterin iske asyrýyna jaǵdaı jasaý, sapaly bilimge qol jetkizýdi qamtamasyz etý, bos ýaqytty tıimdi ótkizý men jumysqa ornalastyrý máselelerin talqylady.

«Nur Otan» joǵary bilim alý úshin granttardyń sanyn keminde 50%-ke ulǵaıtýǵa yqpal etedi. Jyl saıyn 75 myń jas qazaqstandyq tegin joǵary bilim ala alady. Bul rette 2025 jylǵa qaraı suranysqa ıe mamandyqtar boıynsha kolejderde bilim alý tegin bolady», - dep atap ótti Respýblıkalyq saılaýaldy shtab jetekshisi Baýyrjan Baıbek.

Onyń aıtýynsha, partıanyń saılaýaldy baǵdarlamasy aıasynda stýdentterdiń shákirtaqysyn 2 ese, magıstranttar men doktoranttardiń stıpendıasyn – 1,5 ese kóterý, kolejder men ýnıversıtetter jataqhanalarynda keminde 50 myń jańa oryn engizý kózdelýde.

Jylyna 5 myń adamdy qamtı otyryp, «Alǵashqy jumys oryn» jobasyn iske qosý josparlanýda. Jas kásipkerlerdiń jańa bıznes-ıdeıalaryn júzege asyrýy úshin jyl saıyn 10 myń grant usynylady. ⠀

Saılaýaldy shtab músheleri osy kúni aýyl sharýashylyq tehnıkasyn qurastyrý zaýytynyń jumysshylarymen de kezdesti.

Taıaýdaǵy 5 jylda elimizde aýyl sharýashylyǵy ónimderin óndirý men óńdeý boıynsha 7 iri agroónerkásiptik ekojúıeni iske qosý, oǵan 350 myń fermerlik jáne úı sharýashylyǵyn tarta otyryp, jumyspen qamtý kózdelip otyr. Jańadan 600 myń gektar sýarmaly jerdi ıgerý esebinen partıa jańadan 70 myń fermerlik sharýashylyq ashýdy yntalandyrmaq.

Osy jáne basqa da sharalar nurotan2021.kz saıtyndaǵy saılaýaldy baǵdarlamada jazylǵan arnaýly tehnıkaǵa degen suranysty arttyryp, otandyq mashına jasaý salasyn qajetti jumys kólemimen qamtamasyz etýi tıis, dep málimdedi partıanyń baspasóz qyzmeti.

Aqmola oblysyna sapar barysynda partıa Tóraǵasynyń birinshi orynbasary azamattardy jeke qabyldady.

Máselen, qabyldaýda bolǵan Bulandy aýylynyń turǵyny Rezıda Abdrahmanova aýyldaǵy apatty jaǵdaıda turǵan jalǵyz mektepti jóndeý jóninde ótinish bildirdi. Al Arshaly aýylynan kelgen Nurmuhanbet Qasymhan óz aýyldastarynyń mádenıet úıin salý týraly ótinishin jetkizdi.

Kókshetaý turǵyny Shıap Alıev qalany gazdandyrý máselesin kóterdi. Araıly aýylynyń turǵyny Jansaıa Aıtbaeva aýyldaǵy barlyq kósheni sýmen qamtamasyz etý múmkindigin qarastyrýdy ótindi. Osynda aıtylǵan barlyq másele, amanattar men usynystar erekshe partıalyq baqylaýǵa alynady.