Ózin Atyraý qalasyndaǵy "Teńizshevroıl" kompanıasynyń burynǵy qyzmetkeri dep tanystyrǵan er adam munaı-gaz ken ornyndaǵy sybaılas jemqorlyq pen ýly shyǵaryndylarǵa nazar aýdarýdy surap, prezıdent Qasym-Jomart Toqaevqa eki vıdeoúndeý jasady. Atalǵan beınejazba Instagram-daǵy "Kris P Brothers️️️" paraqshasynda jarıalandy.
"2016-2019 jyldar aralyǵynda men "Teńizshevroıl" kompanıasynda jumys istedim jáne aıyna bir mıllıon teńge tabatynmyn. Biraq men óte baqytsyz boldym, óıtkeni jemqorlyq basym boldy. Tikeleı kelisimshart jasasqan barlyq jumysshylar bireýdiń týystary boldy. Salaýatty básekelestik bolǵan joq. Sondaı-aq ekologıa salasynda kóptegen buzýshylyqtar boldy. Men buǵan, qorshaǵan ortanyń lastanýyna jáne sybaılas jemqorlyqqa qarsy boldym. Olar shyndyqqa shydaı almaı, meni eshqandaı sebepsiz jumystan shyǵardy. Meniń suraǵym: nege bizdiń elde qarapaıym jumysshylardyń quqyǵyn qorǵaıtyn zańdar joq? Nelikten iri kompanıalar jumysshylardy sebepsiz jumystan shyǵarýǵa quqyly?" delingen birinshi vıdeoda.
"Qurmetti Qasym-Jomart Kemeluly, ekologıa mınıstri, munaı jáne gaz mınıstri. Teńizde qansha shyǵaryndylar bolatynyn bilesiz be? Esepterde múldem basqasha jazylǵan, biraq is júzinde ol ekinshi Chernobyl bolýy múmkin. Kúkirtsýtek, amıak, radıasıa jáne basqa da kóptegen hımıalyq zattar shyǵady. Bizdiń mamandar bul boıynsha jumys istegisi kelmeıdi, óıtkeni biliksiz adamdar eń jaýapty jáne joǵary aqy tólenetin laýazymdarda otyrady. Olar sheshim qabyldaı almaıdy, óıtkeni onda sybaılas jemqorlyqsyz jumysqa ornalasý múmkin emes. Ýly shyǵaryndylardy tekserý úshin sharalar qabyldaýdy suraımyn" delingen ekinshi vıdeoda.
Posmotret etý pýblıkasıý v Instagram
Jeli qoldanýshy instagram-ǵa jarıalanǵan vıdeony qyzý talqylap jatyr. Bireýler "jumystan shyǵyp ketken soń, basyn kóterip jatyr" dese, endi biri munaıshynyń "jan aıqaıy" dep ataý berýde.
Pikir qaldyrý