Bilim jáne ǵylym mınıstri Asqat Aımaǵambetov bilim berý mekemelerinde jalǵan nagradalardy satyp alýdy toqtatý qajettigin aıtty.
– Satyp alatyn marapat, marapat emes. Túsinemin keı ýaqyttarda qoǵamdyq ártúrli marapattar bolady. Biraq olar aqyly bolmaýy kerek. Qoǵamdyq marapat aqyly bolatyn bolsa, onyń eshqandaı qasıeti, qundylyǵy joq. Biz mundaı máseleni túsindirýimiz kerek. Keı áriptesterimiz muny túsinbeı osyndaı jolǵa baryp jatady. Mundaı máselelerdi aıtpasaq bolmaıdy.
Barlyq mektepterde ótetin aqyly konkýrstar, olımpıadalar, jarystar aqysyz bolýy kerek. Mektepterde mundaı konkýrstar kóp bolýy qajet, ony kóbeıtemiz. Biraq onyń bári tek qana aqysyz ótetin bolady. Eger de balalardyń ata-analary ózderi qalap aqyly nemese aqysyz bolǵanyn qalasy, ol óz erikteri. Al, mektep, muǵalim uıymdastyratyn aqyly jarystar bolatyn bolsa, oǵan tosqaýyl qoıamyz. Aqysyz ótkizip jatqan olımpıada, jarystardyń bekitilgen tıisti talaptary bar. Onyń ishinde akademıalyq adaldyq qaǵıdalaryn saqtaýy kerek. Olımpıadany mektep, ne synyp deńgeıinde ótkizsek, onyń tıisti qaǵıdalaryn saqtap ótkizbesek, onyń quny bes tıyn, – dedi mınıstr.
Pikir qaldyrý