Qyzylorda oblystyq máslıhat depýtattyǵyna úmitker Talǵat Shúrenov Aral aýdanynda bilim salasynyń qyzmetkerlerimen ótken kezdesý barysynda aıtty.

Aral qalasynyń mádenıet úıinde bolǵan bul basqosýǵa aýdandyq máslıhat depýtattyǵyna úmitker Qanaǵat Mahambetova da qatysyp, oılaryn ortaǵa saldy. Ári partıanyń saılaýaldy baǵdarlamasyn túsindirip, bilim salasyndaǵy aktýaldy máselelerdiń túıinin tarqatty.

Ashyq áńgime alańynda sóz alǵan bilim salasynyń qyzmetkeri, №220 orta mektebiniń qosymsha bilim berý pedagogy Aınur Seralıeva «Mektepterdegi kadr jetispeýshiligin rettep, olardyń sapasyn arttyrý úshin jaǵdaı jasasańyzdar eken. Sonymen qatar, arnaıy pándik kabıneterdi qajetti qural-jabydyqtarmen qamatamasyz etip, muǵalimderdiń biliktiligin arttyryp otyratyn tyń jobalar jasalsa nur ústine nur bolar edi» dedi.

Osylaısha, árbir qatysýshynyń oı-pikirin tańdaǵan úmitkerler, partıanyń aldaǵy jyldarǵa arnalǵan tyń josparlaryn tanystyrdy. Máselen, 2022 jyly Aral qalasynda 200 oryndyq jáne 100 oryndyq ınternatymen № 71 mekteptiń qurylysy, 2021 jyly Sekseýil kentinde 300 oryndyq mekteptiń qurylysy júrip, osy jyldar aralyǵynda 6 bilim berý nysanyn kúrdeli jóndeýden ótkizetininen habardar etti. Sonymen qosa, Shıjaga eldi mekeninde sport zaly men orta mektebine 100 oryndyq qosymsha qurylys salynyp, ınklúzıvti bilim berýge jaǵdaı jasap otyrǵan mektepter sanyn 23-ten 49%-ǵa, joǵarǵy jáne orta bilim berý uıymdaryna túsken mektep bitirýshi túlekterdiń úlesin 99% jetkizý josparlanǵandyǵyn jetkizdi.

– Keleshek eldiń tizginin ustaıtyn jas urpaqtyń sapaly bilimge qol jetkizýi, aýdannyń da, eldiń de ári qaraı damýynyń alǵysharty bolyp tabylady. «Nur Otan» partıasy sapaly bilim berýdi qamtamasyz etý maqsatynda 2021-2025 j.j. aralyǵynda aýdan mektepteriniń materıaldyq-tehnıkalyq bazasyn jabdyqtaýǵa, orta mektepterdi kezeń-kezeńimen jańa modıfıkasıalanǵan pándik kabınettermen jabdyqtalýyna, pedagog qyzmetkerlerdiń biliktilik sanatynyń jańa formatyna sáıkes aldaǵy bes jylda «pedagog-sheber», «pedagog-zertteýshi», «pedagog-sarapshy», «pedagog-moderator» sanattary boıynsha pedagogtar quramynyń úlesin 52 paıyzdan 85 paıyzǵa jetkizýdi josparlap otyr, – dedi úmitker Talǵat Jeńisuly sóz sońynda.

Salmaqty saýalǵa, tushymdy jaýap alǵan bilim salasynyń ókilderi aldaǵy bolatyn saılaýda «Nur Otan» partıasyn qoldap, daýys beretindikterin aıtty.
«Nur Otan» partıasy Qyzylorda oblysynyń Saılaý qorynyń qarajatynan tólendi