Turmystyq zorlyq-zombylyqtardyń negizi áleýmettik problemada jatyr. Bul týraly ADAL partıasynyń múshesi, jýrnalıs Maqsat Tolyqbaı "Qazaqstan" telearnasynda ótken teledebatta aıtty.

– Pandemıa kezinde turmystyq zorlyq-zombylyq óte kóbeıdi. İshki ister mınıstrliginiń deregine súıensek, bizdegi qylmystyń 78 paıyzy jumyssyzdyqtan bolady. Taǵy áleýmettik problemaǵa kelip tirelemiz. Jumys oryndaryn kóbeıtýimiz kerek. Bizge óndiris kerek. Shıkizattan arylý kerek.

Áıelderge erkekterdiń qol kóterýiniń sebebi, psıhologtardyń aıtýynsha, ishimdikke salynýdan bolady. Adam ishimdikke nege salynady? Taǵy sol áleýmettik problema, – dedi Tolyqbaı.

Sondaı-aq ol polısıa para almaý úshin olardyń jalaqysyn kóterý kerek ekenin atap aıtty.

–  Ekinshi másele – zańnyń ádil sóılemeıtindiginde. Qanshama jyl jýrnalısıka salasynda kele jatyrmyn ǵoı. Bizde prokýratýradan, sottan, tergeýshilerden ádildik kórmegen adamdar eń sońǵy keletini jýrnalıser bolyp qaldy. 

İshki ister organdarynyń ózi – bizde eń jemqor salanyń biri. Halyq polısıadan shoshıdy, kerisinshe ol seniń qorǵaýshyń bolýyń kerek qoı. Sondyqtan birinshi kezekte osy salaǵa bilikti mamandar kelý úshin, qylmys ashylý úshin, polısıa para almaý úshin olardyń da jalaqysyn kóbeıtýimiz kerek. Qansha ıdeıa aıtsaq ta, jemqorlyqty joımaı eshteńe júzege aspaıdy. Basty másele jemqorlyqta bolyp tur.

Bizdiń ADAL partıasy bizdi mınıstrlikter 30 jylda jasaı almaǵan keremet platforma usynady. Ol jerde jemqorlyqqa, qylmysqa qatysty aryz jaza alady. Sol aryz bes sekýndta óńirdegi kandıdattyń jeke kabınetine kelip túsedi, – dedi ol.