Úkimet qaýlysymen Erjan Qaldybaıuly Qazanbaev saýda jáne ıntegrasıa vıse-mınıstri qyzmetine taǵaıyndaldy. Bul týraly primeminister.kz saıty habarlady.

Erjan Qazanbaev 1983 jyly Almaty qalasynda týǵan. 2006 jyly Almaty tehnologıalyq ýnıversıtetin, 2008 jyly Aberdın ýnıversıtetin (Ulybrıtanıa) bitirgen.

Eńbek jolyn 2008 jyly "Ekspress Bank" AQ-ynda komplaens-baqylaýshy bolyp bastaǵan. Sonymen qatar komersıalyq qurylymdarda jumys istedi. 

2010-2012 jj. – ekonomıka jáne búdjettik josparlaý mınıstrliginiń ınvestısıalyq saıasat departamentiniń ınvestısıalyq saıasat basqarmasynyń sarapshysy m. a., sarapshy.

2012-2013 jj. – ekonomıkalyq damý jáne saýda mınıstrliginiń kásipkerlikti qarjylaı qoldaý basqarmasynyń basshysy.

2013 jyly – ekonomıka jáne búdjettik josparlaý mınıstrliginiń memleket mindettemelerin basqarý jáne qarjy sektoryn damytý saıasaty departamentiniń memleket mindettemeleri basqarmasynyń saıasat basqarmasynyń basshysy.

2013-2016 jj. – ekonomıka jáne búdjettik josparlaý mınıstrliginiń ekonomıka salalaryn damytý departamenti dırektorynyń orynbasary, Astana q.

2016-2019 jj. – ulttyq ekonomıka mınıstrliginiń ekonomıka salalaryn damytý departamentiniń dırektory.

2019 jylǵy shilde aıynan qazirge deıin prezıdent ákimshiligi áleýmettik-ekonomıkalyq monıtorıń bólimi meńgerýshisiniń orynbasary qyzmetin atqardy.