Almatynyń bas sanıtar dárigeri Jandarbek Bekshın qaladaǵy epıdemıologıalyq jaǵdaıdy málimdedi. 

– Almatydaǵy epıdemıologıalyq jaǵdaı búgingi kúnde kúrdeli kúıinde. Jyl basynan beri koronavırýs ınfeksıasynyń 17790 jaǵdaıy tirkeldi. Sondaı-aq tamyz aıynan bastap esepke alynǵan etıologıasy anyqtalmaǵan (koronavırýs) pnevmonıanyń 1349 jaǵdaıy tirkeldi, – dedi ol.

Onyń aıtýynsha, qalada qyrkúıek aıynda koronavırýs juqtyrǵandardyń sany tómendegen. Alaıda qazan aıynan bastap qaıta kóterilgen.

– Qazanda – 366 jaǵdaı, qarashada – 1399 jaǵdaı jáne jeltoqsan aıynda búgingi kúnge deıin – 1635 jaǵdaı tirkelip, indettiń ósýi qarqyn aldy. KVI boıynsha Almaty qalasynda epıdemıologıalyq jaǵdaıynyń órbýi aldyn ala boljamdaǵan mólsherge sáıkes kelip otyr: jeltoqsan aıynda 1 aptada – 420 jaǵdaı, 2 aptada – 460 jaǵdaı, 3 aptada – 510 jaǵdaı, 4 aptada – 560 jaǵdaı boljam boıynsha jalpy aıdyń qorytyndysymen 1900 jaǵdaı jáne pesımısik boljam boıynsha 2200 jaǵdaıǵa jetýi múmkin, – dedi bas sanıtar dáriger.