Qaznet qoldanýshylary bir-birine Qytaıda Sınhýa aýrýhanasynda bananda kezdesetin jańa vırýs 23 adamnyń ólimine sebep bolǵandyǵyn jáne onyń aty - "N7N9" ekenin jazyp, habarlamaǵa taratýda. Bul Reseı men Ýkraınada jyl basynda taraǵan eski feık, dep habarlady StopFake.

"Keshe túnde Sınhýa aýrýhanasynda n7n9 vırýsyn juqtyrǵan 23 adam qaıtys boldy. Eń úlkeni 35-te, eń kishisi bir jasta bolǵan, olarmen baılanystaǵy dárigerler karantınge jatqyzyldy. Basty arnanyń jańalyqtarynda banandy, ásirese ońtústikten ákelingen banandy ýaqytsha almaýǵa shaqyrdy. Bul habarlamany ózińiz alańdaıtyn adamdarǵa, ásirese toptyq chattarǵa jiberińiz. Óz densaýlyǵyńyz úshin taratyńyzdar, ótinish. Banan jeýdi azaıtyńyz! Birden jiberińiz, jaýap berýdiń qajeti joq, basqa adamdarǵa da ózderine qamqor bolýǵa kómektesińizder" delingen habarlamada.

Jyl basynda Reseı men Ýkraına qoldanýshylary osy mátindi bir-birine jibergen. Alaıda, bul habarlamaǵa rastalmady.

Sonymen qatar, N7N90 degen vırýs joq. Bul jerde H7N9 dep qus tumaýy vırýsynyń shtammy jaıly aıtylǵan bolar. Ol aýa tamshy joldarymen beriledi. Aýrýdyń qozdyrǵyshy jemisterdiń ishinde ómir súre alatyndyǵy jáne olar arqyly beriletini týraly málimetter joq. Qus tumaýynyń oshaqtary 2013 jyly Nıderland, Italıa, Kanada, Amerıka Qurama Shtattary, Meksıka jáne Ulybrıtanıada tirkeldi. Kóp jaǵdaıda ınfeksıa úı qustarynan tabylǵan. Nıderlandta bir adam qaıtys boldy, basqa jaǵdaılarda aýrý konúnktıvıt jáne joǵary tynys joldarynyń jeńil belgileri túrinde ótken.