Qytaı bıligi memlekettik dári-dármek shyǵaratyn Sinopharm kompanıasy jasaǵan koronavırýstyq vaksınany  jappaı qoldanýǵa shartty túrde ruqsat berdi.

Aqparatqa sáıkes, vaksına úsh fazalyq synaq kezinde 79% tıimdi ekenin kórsetken. Degenmen qosymsha málimet jarıalanbady.

Qytaıda jasalǵan birneshe vaksına sońǵy synaq kezeńinde jedel lısenzıa alǵannan keıin qoldanylýda.

Pandemıa 2019 jyldyń jeltoqsanynda Qytaıdyń ortalyq Ýhan qalasynda paıda boldy.

Sodan beri ol búkil álemge taraldy, biraq Qytaı vırýsqa qarsy qatań sharalar qoldaný arqyly ınfeksıanyń taralý jyldamdyǵyn óte tómen deńgeıge jetkizdi.

Koronavırýstyń shyǵý tegin izdeý Beıjińdi Batyspen shıeleniske ákeldi. AQSH sıaqty birqatar elder vırýs alǵash paıda bolǵan kezde "Qytaıda tolyqtaı jarıalylyq bolmady" dep aıyptady.