Sońǵy kezderi Beıjińdi jıi synap júrgen qytaılyq mıllıarder Djek Ma kórinbeı ketti.
Bir kezderi komýnıstik rejımniń súıikti adamy bolǵan mıllıarder "joǵalyp" ketken soń, onyń fotosýreti ózi uıymdastyrǵan realıtı shoýdyń ádilqazylar alqasynyń veb-paraqshasynan óshirilgen jáne keıinirek ol jarnamalyq beınerolıkten de alynyp tastalǵan. Oǵan qosa, ádette kúnine birneshe tvıt jarıalaıtyn Djek Manyń Tvıtter paraqshasynda sońǵy aptalarda belsendilik bolmaǵan.
Financial Times basylymy Djek Manyń kórinbeýin onyń qarasha aıynda memlekettik retteýshiler men bankterdi synaǵanymen baılanystarady.
Manyń synynan keıin onyń Ant Group kompanıasynyń 37 mıllıardtyq aksıasy toqtatylǵan.
Aıta keteıik, ótken aıda Beıjiń monopolıalyq tájirıbege baılanysty Djek Manyń Alibaba kompanıasyn tekserýge alǵan bolatyn.
