AQSH-tyń 10 eks-qorǵanys mınıstri Trampty jáne onyń jaqtastaryn saılaýdaǵy jeńilisti qabyldaýǵa shaqyrdy. Saılaý nátıjesin buzý úshin armıany qoldanbaýdy eskertti. Buǵan deıin Tramptyń áskerı kúsh qoldanyp, saılaýdy qaıta ótkizýdi suraǵany jarıalanǵan. 

Vashıngton Postta jaryq kórgen jáne buryn-sońdy bolmaǵan birlesken hatta qorǵanys hatshylary Djo Baıdenniń ınaýgýrasıasyna deıin qalǵan Tramp ákimshiliginiń 17 kúninde yqtımaldy eń úlken qorqynysh týraly jazdy. Tramp áskerı ıntervensıany bastaý maqsatynda daǵdarys týdyrýy múmkin ekenin aıtty.

"AQSH-tyń qarýly kúshterin saılaý daýlaryn sheshýge tartý áreketteri bizdi qaýipti, zańsyz jáne konstıtýsıalyq emes terıtorıaǵa aparady" delingen hatta.

"Osyndaı sharalardy basqaratyn nemese júzege asyratyn azamattyq jáne áskerı sheneýnikter is-áreketteriniń respýblıkamyzǵa aýyr zardaptary úshin qylmystyq jazaǵa tartylýy múmkin, jaýap beredi" dep jazylǵan hatta.

Qol qoıýshylardyń arasynda Tramp ákimshiliginde qorǵanys hatshysynyń qyzmetin atqarǵan Djeıms Mettıs pen Mark Esper de boldy . Esper maýsym aıynda Trampqa ashyq túrde qarsy shyǵyp, AQSH áskerlerin ekstremaldyq jaǵdaıda kóshege ornalastyrýǵa múmkindik beretin Kóterilis týraly zańǵa júginýge negiz joq ekenin alǵa tartqan.