Qazaqstandyq boksshy Gennadıı Golovkın men meksıkalyq boksshy Haıme Mýngıa arasyndaǵy jekpe-jektiń kúni belgili boldy. Bul týraly vesti.kz saıty habarlady.

Saıt málimetinshe, Golden Boy Promotions promoýterlik kompanıasynyń negizin qalaýshy Oskar De La Hoııa jekpe-jekti uıymdastyrý jumystary júrgizilip jatqanyn rastady. Buǵan deıin ol boksshylar arasynda kelissózder júrgizip jatqanyn habarlady.

Onyń aıtýynsha, jekpe-jektiń kúni 5 mamyrǵa belgilenip otyr.

– Golovkın-Mýngıa jekpe-jegi úshin jumys júrgizilip jatyr. Bul bárine qyzyqty jekpe-jek. "Sınko de Maıo". Bul jarylys jekpe-jek bolady, – dedi De La Hoııa.

Eske salsaq, Golovkın jeltoqsan aıynda Kamıl Sheremetany nokaýtqa túsirip, 21-shi ret álem chempıony ataǵyn qorǵap qalǵan.