Prezıdent Qasym-Jomart Toqaev pravoslav hrıstıandaryn Rojdestvo merekesimen quttyqtady, dep habarlady Aqordanyń resmı saıty.
– Barsha pravoslav hrıstıandaryn Rojdestvo merekesimen shyn júrekten quttyqtaımyn!
Bul meıram izgilik pen meıirimniń, súıispenshilik pen jaqyn jandarǵa janashyrlyqtyń san ǵasyrlyq dástúrin dáripteıdi. Qoǵamdaǵy rýhanı-adamgershilik qundylyqtar men konfesıaaralyq kelisimdi nyǵaıta túsedi, – deıdi memleket basshysy.
Prezıdent pravoslav hrıstıandary basqa da din ókilderimen birge memleketimizdi damytýǵa jáne halqymyzdyń bereke-birligin arttyrýǵa zor úles qosyp jatqanyn atap ótti.
– Biz birlesip Qazaqstandy qazirgiden de qýatty elge aınaldyramyz. Bárińizge zor densaýlyq, baq-bereke, tolaǵaı tabys tileımin!
Búgingi meıram shattyq pen qýanysh ákelsin!, – dedi Toqaev.
