Parlament májilisi saılaýyna boıkot jarıalaǵan azamattyq belsendi Janbolat Mamaı men onyń jaqtastary Almatydaǵy respýblıka alańy mańynda mıtıń ótkizip jatyr.

Respýblıka alańyndaǵy eskertkishke qaraı bettemek bolǵan 20 shaqty belsendiniń jolyn arnaıy jasaq bógep, eskertkishke qaraı jibermeı, qorshap aldy. Olardyń arasynda belsendiler Janbolat Mamaı men Abzal Dostıarov jáne jýrnalıs, "Oyan Qazaqstan" qozǵalynyń ókili Ásem Jápısheva bar.

Qorshaýdaǵy belsendiler "Saılaýǵa boıkot", "Nazarbaev ketsin" dep urandatýda.

Mıtıńshilerdi taraýǵa shaqyrmaq bolǵan prokýratýra men Almaty qalasy ákimdigi ókilderiniń daýsyn sherýshiler estirtpedi.

Alańǵa jınalǵan zamattyq belsendiler qatary birtindep kóbeıip jatyr.

Mıtıń ótip jatqan táýelsizdik alańy men sol jerge jaqyn mańaıda uıaly baılanys nashar, ınternet múldem istemeıdi.