"Adal" partıasynyń múshesi, qarjy sarapshysy Dáýlet Muqaev áleýmettik jelidegi paraqshasynda tikeleı efırge shyǵyp, parlament saılaýynyń nátıjesi týraly pikir aıtty.
– Arandatýshylar boldy. Keı feık paraqshalardan: "Ne istep otyrsyń?", "Qosanov-2 boldyńdar" dep jazýda. Taǵy da qaıtalap aıtamyn. Bul –prezıdenttik saılaý emes. NurOtannyń jeńetini basynan belgili boldy. Men komýnıster partıasy ótpeıdi, ornyna "Adal" partıasy ótedi dep oılaǵan edim. Alaıda bizdiń oılaǵanymyz saıasattyń oılaǵanymen bola bermeıdi. Bizge daýsy bergenderdiń bárine raqmet aıtamyn. Bul jerde báribir de aınalyp kelgende saıasat, "saıqal saıasat" degen tirkes júredi. Men de daıyn júrmegen shyǵarmyn. Biraq jaqsy bir sabaq aldyq, – dedi ol.
Dáýlet Muqaev partıa músheligindegi barsha azamattar qyzmetterin adal atqarǵanyn atap ótti.
– Ózderińiz kórgenderińizdeı, báribir de buıryq joǵary jaqtan. Árıne jastyqtyń býymen burqyrap, kóshege shyǵyp, joldy jabý syndy áreketterge barýǵa bolady. Biraq odan túk sheshilmeıdi. Sondyqtan meniń suraıtynym "satqyn, alaıaq, jemqor urpaq" tárbıelemeıikshi ótinish. Óziniń pikiri bolatyn, óziniń quqyǵy úshin tura alatyn urpaq tárbıeleıik. Biraq túbinde jalǵyzdyń úni shyqpaı qalady mundaıda. Sondyqtan biz ózgerý úshin, urpaǵymyzdy ózgerteıik, sanaly bilim bereıik. Shyny kerek qazir qoǵamda "satqyndar" óte kóp, – dep sózin túıindedi sarapshy
Oqı otyryńyz:
Pikir qaldyrý